«АльфаСтрахование» иминият төркеме ТР Милли музее белән килешү имзалады
Казан Изге Ана иконасы соборында Татарстан Республикасы Милли музее Казан Епархиясенә күргәзмәгә кую өчен көмеш ризу-оклад бирде. Нәкъ менә шушы окладта 1904 елга кадәр Казан Богородицкий монастыре соборында Казан Изге Ана иконасы урнашкан булган.
XVIII-XIX гасырлар дәвамында формалашкан күп составлы күләмле оклад комплексы алты музей предметыннан гыйбарәт.
Ул 1939 елда ТАССРның Үзәк музеена тапшырылган һәм 80 елдан артык музей җыенында сакланган.
Көмеш риза - рус сәнгатенең уникаль һәйкәле һәм Россия Федерациясе Музей фондының аеруча кыйммәтле экспонаты.
Предметларны иминиятләштерүнең бәһасе 250 млн сум тәшкил итә.
Оештыручы тарафыннан кыйммәтле металллардан торган музей предметларын соборда күрсәтү өчен махсус витрина әзерләнгән.
ТР Милли музее үзенең эшчәнлеге дәверендә беренче тапкыр Россиянең эре иминият компанияләренең берсе "Альфа Групп" компаниясенә кергән "АльфаСтрахование" иминият төркеме белән мәдәни кыйммәтләрне меценат (түләүсез) иминиятләштерү турында декларациягә кул куйды.
Килешү бүген ТР Мәдәният министрлыгында ТР мәдәният министры Ирада Әюпова, Казан һәм Татарстан Митрополиты Кирилл һәм “АльфаСтрахование” АҖ генераль директоры урынбасары Александр Горин катнашында имзаланды.