«Семык-2020» мари халык бәйрәме быел беренче тапкыр онлайн-форматта узачак
5 июньдә «2014-2022 елларга Татарстан Республикасында дәүләт милли сәясәтен гамәлгә ашыру» дәүләт программасы кысаларында традицион мари мәдәнияте бәйрәме – «Семык» узачак. Быел эпидемиологик вәзгыять аркасында бәйрәм чаралары онлайн-форматта оештырылачак, бу исә мари мәдәниятен сөючеләренә аларда актив катнашырга мөмкинлек бирәчәк.
Күпсәгатьлек марафон программасында – «Бергә биибез» бию челленджы, Татарстан Республикасы муниципаль берәмлекләренең мари фольклор коллективлары концерты, «Татарстан - Яңа Гасыр» телеканалында мари халык бәйрәменең тарихы һәм традицияләренә багышланган махсус чыгарылыш, «Әдәби Семык» төбәкара акциясе, «ЧОНЫМ ПОЧЫН МУРЕНА» проектында катнашучы яшьләр концерты, шулай ук төрле видео-котлаулар. Чаралар «Республика традицион мәдәниятне үстерү үзәге» ДБУ, Менделеевск, Семык 2020 YouTube - каналларында, оештыручыларның рәсми Instagram аккаунтларында, шулай ук Татарстан халыклары Ассамблеясы һәм Дуслык йорты порталында трансляцияләнәчәк.
Мари халкының «Семык» бәйрәме программасы:
/file/mincult/File/Программа праздника марийской культуры.docx
Моннан тыш, май уртасыннан оештыручыларның рәсми аккаунтларда һәм социаль челтәрләрендә #Семык 2020 хештегы белән онлайн-чаралар, флешмоблар һәм акцияләр башланып китте.
***
Белешмә өчен: «Семык» бәйрәме мариларның җәйге бәйрәмнәре циклын ачып җибәрә. Бәйрәмнең төп идеясе – вафат булган туганнарны искә алу һәм алардан хуҗалык эшләрендә һәм көнкүрештә уңышлар сорап фатиха алу.
Хәзерге "Семык" - мариларның массакүләм милли бәйрәме, анда халык мәдәнияте элементлары: милли костюмнар, халык җырлары һәм биюләре, милли инструменталь музыка, уеннар, традицион кухня бар.
Татарстанда бәйрәмне республика дәрәҗәсендә 1990 елдан бирле үткәрәләр.
Бәйрәмне оештыручылар:
• Татарстан Республикасы Мәдәният министрлыгы
• Республика традицион мәдәниятне үстерү үзәге
• Татарстан Республикасының Менделеевск муниципаль районы
• Татарстан халыклары Ассамблеясы
• Татарстан халыкларының Дуслык йорты
• ТР мариларының милли-мәдәни автономиясе
• Татарстан халыклары Яшьләр ассамблеясы
Элемтә өчен: Эльвира Зөлфәт кызы Якупова 89172824678