Третьяков галереясендә Бакый Урманче эшләре күргәзмәсе ачылды

Дәүләт Третьяков галереясендә Бакый Урманче эшләре күргәзмәсе ачылды. Бу күргәзмә мәшһүр татар рәссамының тууына 115 ел тулуга багышланган. Экспозицияне ачу тантанасында Третьяков галереясенең генераль директоры Ирина Лебедева, Татарстан Республикасы мәдәният министрының беренче урынбасары Ирада Әюпова, Татарстан Республикасының Россия Федерациясендәге Тулы вәкаләтле вәкиле урынбасары Алмаз Фәйзуллин, Татарстан Сынлы сәнгать музее директоры Розалия Нургалиева һәм башкалар катнашты.
Третьякоыв галереясе залларында Бакый Урманченың 120дән артык эше куелган. Алар Казан һәм Мәскәү музейлары фондларыннан, шәхси тупланмалардан алынган. Тамашачылар Урманченың картиналары белән генә түгел, бәлки график эшләре һәм сыннары белән дә таныша ала.
«Бакый Урманче эшләрендә Европа һәм Россия традицияләре үрелеп үстерелә, ә милли традицияләр рәссам иҗатын дистәләгән еллар буена сугара килә. Бу гаять кызыклы “катнашма” гаҗәеп гүзәл нәтиҗәләр бирде”, – диде Ирина Лебедева.
Ирада Әюпова Татарстан Республикасы Хөкүмәте исеменнән Третьяков галереясе җитәкчелегенә күргәзмәне оештырганы өчен рәхмәт белдерде. «Күргәзмә бик уйланылган, зәвыклы. Һөнәри осталыгыгыз өчен сезгә зур рәхмәт», - диде ул.
Күргәзмәне ачканда башка рәсми затлар да чыгыш ясады.
22 майда Третьяков галереясендә рәсми рәвештә (Инженерлык корпусында) Казан сәнгать мәктәбенең иң күренекле вәкилләреннән берсе, Илья Репинның шәкерте Николай Иванович Фешин күргәзмәсе ачылачак. Экспозициядә Россиянең җиде һәм Американың алты музееннан китерелгән эшләр күрсәтеләчәк.