Яшел Үзәндә “Сәнгать белән очрашу урыны” исемле Бөтенроссия проекты эшли башлый
13 июль көнне Яшел Үзәндә “Сәнгать белән очрашу урыны” исемле Бөтенроссия проекты эшли башлый. Ул Россия мәдәният министрлыгы һәм “РОСИЗО” музей-күргәзмәләр үзәгенең инициативасы белән илебезнең 52 кече һәм урта шәһәрендә гамәлгә куелды. Быел проект тагын 9 төбәк юнәлешен үзләштерде, алар арасында Яшел Үзән шәһәре дә бар.
Проектның бурычы - Россиянең үзәктән ераграк урнашкан төбәкләрендә яшәүчеләр өчен сәнгать белән танышу мөмкинлеге булдыру. Проект кысаларында «РОСИЗО» белгечләре тарафыннан әзерләнгән материаллардан интерактив экскурсияләр үткәреләчәк, видеолекцияләр күрсәтеләчәк.
Проектның яшь катнашучылары - 11-12 һәм 13-15 яшьлек яшүсмерләр өчен кабат «Моя картина говорит» исемле төбәкара рәсем конкурсы оештырылачак. Финалистлар «Артек» Халыкара балалар үзәгендәге тематик сменаларга барачак.
Күргәзмә 13 - 29 июль көннәрендә, сишәмбедән якшәмбегә кадәр 9.00-19.00 сәгатьләрдә эшли. Дүшәмбе – ял көне.
Күргәзмә, экскурсия һәм лекцияләргә керү бушлай.
Элемтә өчен: Гегечкори Лали Александровна +7 926 527 84 67, art@rosizo.ru