ЯҢАЛЫКЛАР
17 февраль Татарстан Республикасы Дәүләт сынлы сәнгать музееның «Хәзинә» Милли сәнгать галереясендә Татарстан Республикасының халык рәссамы, Россиянең атказанган рәссамы, Габдулла Тукай исемендәге ТР Дәүләт премиясе лауреаты, Бакый Урманче исемендәге ТР Мәдәният министрлыгы Премиясе лауреаты, СССР һәм Татарстан Республикасы рәссамнары берлеге әгъзасы София Данил кызы Кузьминаның 95 еллык юбилеена күргәзмә ачылачак.
Юбилей күргәзмәсендә рәссамның 1970 еллардан бирле башкарылган һәм ТР ДССМ фондларыннан 100 гә якын әсәр тәкъдим ителәчәк.
20-23 февральдә Татарстан Республикасының Дәүләт академия симфоник оркестры сәнгать җитәкчесе һәм баш дирижеры, Россия һәм Татарстанның халык артисты, профессор Александр Сладковский җитәкчелегендә Дәүләт академия симфоник оркестры Дубай операсында, шулай ук Mall of the Emirates театрының Symphonic Midle East фестивале концерт мәйданчыгында чыгыш ясаячак.
Александр Сладковский идарәсендә ТР Дәүләт академия симфоник оркестры дүрт көнлек концерт программасы тәкъдим итәчәк, ул чын-чынлап уникаль, традицияләр һәм заманның ныклыгын берләштерүче концертлар булачак.
Дирижер - маэстро Александр Сладковский.
Барлык концертлар 19:00 сәг. башлана.
19 февральдә Алмаш ("Смена") хәзерге заман мәдәният үзәгендә Швеция, Россия, Испания һәм Англия рәссамнары катнашында "Хәрәкәттә хатын-кызлар" коллектив күргәзмәсе ачылачак.
Күргәзмә кураторы - сәнгать белгече, укытучы һәм язучы Мария Линд.
Вакыйга Швеция Вәкиллеге ярдәмендә оештырылган.
Күргәзмә турында тулырак мәгълүмат түбәндәге сылтамада:
https://s-m-e-n-a.org/2022/02/06/vystavka-zhenshiny-v-dvizhenii/
Күргәзмә 2022 елның 15 маена кадәр дәвам итәчәк.
15 февраль көнне Казанда герой-шагыйрь Муса Җәлилнең (1906-1944) туган көнен билгеләп үттеләр. 1 Май мәйданында Җәлил һәйкәленә чәчәкләр салынды.
Татарстан Республикасы Милли музеенда «Чынбарлык көне» программасы узды: музей фондыннан «Моабит дәфтәрләре» дип аталган чын кулъязмалар - Җәлилнең Берлин төрмәсендә язылган шигырьләре чыгарылды.
Көн дәвамында «Моабит дәфтәрләре» кулъязмасы Татарстан Республикасы Милли музее экспозициясендә халыкка күрсәтелде. Иң кыйммәтле тарихи әсәрне теләгән һәркем күрә алды. Бу көнне музейга керү бушлай булды.
2022 елның 15 февралендә Россиянең атказанган рәссамы, Татарстанның атказанган сәнгать эшлеклесе һәм халык рәссамы Зөфәр Фаат улы Гыймаев 72 яшендә вафат булды.
Рәссам белән хушлашу бүген 12.30 сәгатьтә Чистай урамындагы Казан Нуры мәчетендә узачак.
Татарстан Республикасы Мәдәният министрлыгы рәссамның туганнары һәм якыннарының кайгысын уртаклаша.
Илһам Шакировның туган көнендә Abau студиясе ТР Мәдәният министрлыгы белән берлектә Youtube каналында татар мәдәниятенең күренекле эшлеклеләре турында анимацион роликлар циклын башлап җибәрде.
2022елның 15 февралендә ТАССРның һәм РСФСРның халык артисты, Габдулла Тукай исемендәге Татарстан Республикасы Дәүләт премиясе лауреаты Илһам Шакировның туган көнендә күренекле татар җырчысы истәлегенә чәчәкләр куелачак.
10.00 сәгатьтә - Яңа Татар зиратында кабергә чәчәкләр салыначак.
11.30 сәг. Николаев урамында җырчы яшәгән 5 номерлы йортта мемориаль такта янында И.Шакировны искә алачаклар.
Җырчыны искә алырга дәүләт һәм җәмәгать эшлеклеләре, Татар филармониясе артистлары һәм ветераннары чакырылган.
Шул ук көнне Муса Җәлилнең тууына 116 ел тулу уңаеннан да мәдәни чаралар узачак.
ТР Милли музее фондларыннан тантаналы рәвештә Моабит дәфтәрләренең чын кулъязмасын чыгарачаклар - бу Җәлилнең могҗизалы рәвештә сакланып калган Берлинның "Моабит" төрмәсендә язган шигырьләре.
2022 елның 16 февралендә 14.00 сәгатьтә Г. Тукай әдәби музеенда “Габдулла Тукай мәҗмугаи асаре” китабын тәкъдим итү кичәсе оештырыла. Чара Халыкара туган тел көненә багышлана.
Бу хакта Казанда 13 февраль көнне бөек җырчының туган көнендә «Шаляпинга баш ию» программасы барышында игълан ителде.
Ел саен 13 февраль көнне яшь талантлы вокалистлар арасында тантаналы рәвештә Шаляпин стипендиясе лауреаты игълан ителә. Әмма быел 1997 елда гамәлгә куелган әлеге стипендия беренче тапкыр беркемгә дә бирелмәде. Аның каравы, киләсе елга, Фёдор Шаляпинның 150 еллыгына, стипендия күләмен икеләтә арттырачаклар.
Шаляпин стипендиясен гамәлгә Татарстан Республикасы Милли музее куйды.
Аның филиаллары А.М.Горький һәм Ф.И.Шаляпин музее конкурс сайлавын оештыручы булып тора.
Оештыру комитеты исемлегенә музыка сәнгатенең күренекле эшлеклеләре кергән.
Казан яшь тамашачылар театрында «Мәхәббәт тәпие» хәйрия акциясе узды.
13 февраль 16:00 сәгатьтә театрда «Бала» спектакле куелды, аннан җыелган акчалар Казанның «Сердце дворняги» һәм «Вега» хайваннар сыену ширкәтләренә җибәреләчәк.
PetLover хайваннар темасына фойеда автор бизәнү әйберләре, AM Models модельләре агентлыгының һәм "ЗооЗабота" фондының уртак проекты календарьларе, Казан яшь тамашачылар театры рәссамнарының әсәрләре сатылды һәм приютларга тапшыру өчен азык җыю да оештырылган иде.
Этләрнең фотолары урнаштырылды һәм аларга хуҗа булу мөмкинлеге бирелде.
«Вега» шәхси приютына 2012 елда нигез салынган. Ул Татарстанның Аксубай районында урнашкан бердәнбер приюты һәм республикада иң эре приютларның берсе булып тора. Анда 300дән артык хайван асрыйлар.
Шулай ук театрга килгән тамашачылар төрле ярышлар призеры бордер-колли Эстерның (кинолог Регина Мөхәмәтханова) чыгышында да карадылар. Спектакльдә 200 тамашачы катнашты һәм дүрт аяклы дусларга 50 кг азык җыелды.