ЯҢАЛЫКЛАР
2022 елның 15 февралендә «Театраль Идел буе» балалар һәм яшьләр иҗат коллективларының округ фестивале кысаларында афишалар һәм плакатлар конкурсында катнашуга гаризалар кабул итү тәмамлана.
Ул Россия Федерациясе Президентының Идел буе федераль округындагы вәкаләтле вәкиле Игорь Комаров инициативасы белән уздырыла.
Хәзерге вакытта оештыру комитетына Идел буе федераль округында яшәүчеләрдән 573 гариза кергән.
Иҗади бәйгедә 6 яшьтән 30 яшькә кадәр теләгән һәркем катнаша ала, моның өчен махсус белем яки сәнгать өлкәсендәге эш тәҗрибәсе таләп ителми.
Әсәрләр төрле техника белән башкарылган булырга мөмкин - бу графикадан алып батикка кадәр, компьютер дизайны, буяулар, фотоколлажлар да булырга ала.
Иң яхшы театраль афишалар һәм плакатлар эксперт бәяләве нәтиҗәләре буенча билгеләнә.
Конкурсның жюри составына Россия Рәссамнар берлеге, Россия сәнгать академиясе вәкилләре, шулай ук Россиянең танылган рәссамнары һәм Идел буе федераль округының эре театрларының баш рәссамнары кергән.
Конкурста катнашу өчен гаризалар һәм конкурс материаллары 2022 елның 15 февраленә кадәр түбәндәге электрон адреска кабул ителә: theatres.fest@mail.ru
Конкурста катнашу кагыйдәләре белән Фестиваль сайтында түбәндәге сылтама буенча танышырга мөмкин:
http://театраль еприволжье.рф/news/tpost/guk5vede1-konkurs-na-luchshuyu-razrabotku-afishipl
Ел саен үткәрелә торган «Тантана» («Триумф») республика театраль премиясе ТР Мәдәният министрлыгы тарафыннан гамәлгә куелды.
16 февраль 14 сәгатьтә Габдулла Тукай әдәби музеенда Халыкара туган тел көне уңаеннан мәдәни чара узачак. «Габдулла Тукай әсәрләре җыентыгы» («Габдулла Тукай мәҗмугаи әсәре») уникаль китап тәкъдир ителәчәк.
Татарстан Халыклар дуслыгы йорты китап укырга яратучыларны һәм китап сөючеләрне 14 февральдә билгеләп үтелә торган Халыкара китап бүләк итү көнендә уздырыла торган акциягә чакыра.
Совет солдатларының һәм Россия хәрбиләренең батырлыгы, шулай ук хәрби конфликтларда катнашкан армия солдатлары, үсеп килүче егетләрне, киләчәк буынны ватанпәрвәр һәм горурлык хисләре тәрбияләү, Россиянең хәрби-тарихи мирасын саклап калу максаты белән ел саен "Бөек Җиңү геройлары" Бөтенроссия әдәби конкурсы оештырыла.
Конкурста иң яхшы әдәби хикәя, очерк, шигырь, рәсем, фотография һәм эпик, тарихи һәм хәрби патриотик эчтәлекле җыр текстларын сайлап алачаклар.
Конкурс турында тулырак мәгълүмат рәсми сайтта: http://героивеликойпобед.рф
2022 елның 15 февралендә герой-шагыйрь Муса Җәлилнең тууына 116 ел тулу вакыйгасы билгеләп үтелә.
Ул көнне ТР Милли музее традиция буенча үзенең фондларыннан Моабит дәфтәрләрен чыгара һәм киң җәмәгатьчелеккә тәкъдим итә, халык чынбарлык белән очраша.
Берлинның коточкыч "Моабит" төрмәсендә шагыйрь тарафыннан язылган әлеге шигырьләр сакланып калган һәм могҗиза белән безнең көннәргә кадәр килеп җиткән, бу музейның иң кыйммәтле экспонатларының берсе булып тора.
15 февраль Муса Җәлилнең туган көне көнне Казанда яшәүчеләр һәм кунаклар әлеге тарихи һәйкәлне күрә алачак. Тантаналы чарада Татарстанның танылган фән һәм мәдәният эшлеклеләре катнашачак.
Ә Муса Җәлил музей-фатирында 2021 елда республиканың Муса Җәлил исемендәге премия лауреатлары белән очрашу узачак.
Шулай ук, Муса Җәлилнең тууына 116 ел тулу уңаеннан 17 февраль “Чулпан” мәдәният үзәгендә “Җәлил укулары” IV Халыкара әдәби конкурсының Гала-концерты узачак.
18 февральдә Татарстан Республикасы Милли музеенда Бөтенроссия һәм Халыкара конкурслар лауреатлары - Муса Җәлил исемендәге Беренче Халыкара музыкаль-шигъри фестивальдә катнашучылар “Шагыйрь һәм музыка” мәдәни чарасында чыгыш ясаячак.
16 февраль 15.00 сәгатьтә Алабуга дәүләт музей-тыюлыгының хәзерге заман этносәнгать музеенда Казан шәһәреннән Татарстан Республикасының атказанган сәнгать эшлеклесе Ринат Әхмәтовның «Койма артында» дип исемләнгән шәхси күргәзмәсе ачыла.
Бу рәссамның хис-кичерешләре, аның балачагы, үткәне һәм киләчәге турында уйланулары, тормыш һәм үлем турындагы фикерләрен чагылдыручы шигъри һәм фәлсәфи проект.
Күргәзмәдәге серияга атамасыз 24 картина кергән, аларның 7се Санкт-Петербургта иҗат итүче тавыш операторы Петр Ивановның музыкаль композицияләре белән тулыланачак.
Шуңа күрә күргәзмәгә килгән һәркем хыяллынып, уйларга чумып теге яки бу әсәргә үзе исем куя ала.
Драматург, актер, режиссер, татар театрына нигез салучыларның берсе Кәрим Тинчуринның 135 еллыгы уңае белән Тинчурин театрында “Театр яктылыкка, нурга илтә!” дип аталган экскурсияләр үткәрелә башлый.
Бүген, 10 февраль көнне Татарстан Республикасы Президенты Рөстәм Миңнеханов «Сириус» мәгариф үзәгенең режиссеры, сәнгать җитәкчесе, Россия Зур театры генераль директоры киңәшчесе Ханс-Йоахим Фрай белән очрашты.
https://sochisirius.ru/news/1625
Очрашуда ТР Премьер-министры урынбасары Ләйлә Фазлыева, ТР мәдәният министры Ирада Әюпова һәм ТР Президенты ярдәмчесе Олеся Балтусова да катнашты.
Аралашуда Россияда һәм республикада мәдәниятнең бүгенге торышы турында сүз барды, мәдәниятара хезмәттәшлек мәсьәләләре күтәрелде.
Бу хакта Россия Федерациясе Иҗтимагый палатасында "Минем балачагым - сугыш" Бөтенроссия акциясенең йомгаклау чарасында игълан ителде.
Акция кысаларында балачагы сугыш елларына туры килгән гражданнарга волонтерлар ярдәм күрсәткән, аларның видеоистәлекләрен яздырган, ветераннар белән меңләгән очрашулар уздырганнар.
Әлеге акция 2020 елда башланды һәм Хәтер вә Дан елының төп чаралары планына кертелде.
Бу акцияның геройлары - 3 меңнән артык сугыш еллары балалары.
Елга йомгак ясау чарасы 4 меңнән артык тамашачыны берләштерде.
Түбәндә трансляциягә сылтама: https://youtu.be/mYUEgjNtJM
"Минем балачагым - сугыш" Бөтенроссия акциясендә җиңүчеләр һәм катнашучыларның исемлеге.
2022 елда әлеге Бөтенроссия акциясен гамәлгә ашыру дәвам итәчәк.