ЯҢАЛЫКЛАР
30 гыйнвардан 2 мартка кадәр М. Җәлил исемендәге Татар академия дәүләт опера һәм балет театры сәхнәсендә Ф.И. Шаляпин исемендәге XLIV Халыкара опера фестивале узачак.
Бөек татар шагыйре Габдулла Тукайның 140 еллыгы хөрмәтенә Татарстан Республикасы Мәдәният министрлыгы ярдәме белән «Тукайны бергәләп укыйбыз» масштаблы проекты уза.
27 гыйнварда К.Маркс урамы, 54 нче йорт фасадында РСФСРның атказанган сәнгать эшлеклесе, ТАССРның халык рәссамы, архитектор Петр Тихон улы Сперанскийга мемориаль такта ачылачак.
Казанда 4 февральдән 8 февральгә кадәр Спорт сараенда халык куллану товарлары ярминкәсе – «Муллес» милли сәүдә фестивале узачак. Чарада шәһәр халкы азык-төлек продуктлары, кием-салым, аяк киеме, тукыма әйберләре, зәркән бизәнү әйберләре, косметика чаралары, һөнәрчелек эшләнмәләре һәм башка товарлар сатып ала алачак.
27 гыйнварда сәгать 16:00 да ТР Дәүләт сынлы сәнгать музееның Заманча сәнгать галереясында Наил Сагыровның «Күк мозаикасы» күргәзмәсе ачылачак. Наил Мөхәммәт улы Сагыров (1961 елгы) – рәссам-нәкышче, Россия Рәссамнар берлеге әгъзасы, И.Е. Репин исемендәге Санкт-Петербург живопись, скульптура һәм архитектура институты укытучысы. Экспозиция останың иҗат методының нечкәлеген ача: аның эшләрендә чынбарлык тирә-юньдәге кешеләр психологиясе белән билгеләнә. Сагыровның заманча реализм һәм экспрессионизмны берләштергән уникаль стиле аңа катлаулы сәнгать бурычларын чишәргә мөмкинлек бирә.
Россия тарихында балалар һәм яшүсмерләр арасында этнобуллингка каршы көрәш буенча беренче методик кулланманы Милләтара журналистика гильдиясе чыгарды. Ул психологлар, педагоглар һәм ата-аналар өчен билгеләнгән.
Без сезне балалар-яшүсмерләр халык бию коллективлары педагоглары һәм сәнгать җитәкчеләре өчен бушлай мәгариф вебинарларында катнашырга чакырабыз.
27 гыйнварда Кәрим Тинчурин исемендәге Татар дәүләт драма һәм комедия театрында (Татарстан, 1) ТР Дәүләт җыр һәм бию ансамбле чыгыш ясый. Концерт РФнең халык артисты, РСФСР һәм ТАССРның атказанган сәнгать эшлеклесе Лима Гали кызы Кустабаеваның юбилеена багышлана.
А.С. Пушкин исемендәге Мәдәният үзәгендә традицияләр, музыка һәм тере аралашуны берләштергән зур халык бәйрәме – «Изге кичәләр уеннары» («Святочные забавы») узды.
Лаборатория 2026 елның 2 нче февраленнән 7 нче февраленә кадәр Татарстан Республикасы Милли музее (Казан шәһәре) базасында узачак. Беренче ике көн теоретик дәресләргә – «Прожито» проекты спкерлары, Югары икътисад мәктәбе (НИУ ВШЭ), Казан федераль университеты укытучылары лекцияләренә багышланачак. Тагын 4 көн Татарстан Республикасы Милли музее (Казан шәһәре) фондларыннан язма (рус һәм иске татар телләрендә) һәм визуаль чыганаклар белән практик эшкә бирелә.