ЯҢАЛЫКЛАР
Россиянең иң зур Ural Music Night музыка фестивалендә (Екатеринбург) беренче тапкыр бер сәхнәдә иң актуаль татар музыкасын тыңларга мөмкин булачак-бу Спорт уен төрләре сарае янында (Олимпия яры, 3) лейбл Yummy Music биш сәгатьлек шоукейсы булачак. 24 июньдә 20:30дан 01:00 сәгатькә кадәр бу мәйданда УСАЛ, GAUGA, Juna, ОММАЖ, URTIC, qaynar, Shanu, Malsi Music һәм Ilgiz чыгыш ясаячак. Шоукейста катнашучы барлык төркемнәр диярлек быел яңа сольный альбом чыгарды, ә кайберләре дөнья күрергә әзерләнгән яңа материал уйнаячак.
10 июньдә 15:00 сәгатьтә Татарстан Республикасы Милли китапханәсендә «Почта маркалары – тарих фрагментлары» күргәзмәсе ачыла. Күргәзмә Идел буе Болгарстанында Ислам динен кабул итүгә 1100 ел тулуга багышланган.
2022 елның 12 июнендә, Россия көнен бәйрәм итү көнендә, «Ленивый торжок» тарихи реконструкция комплексы территориясендә «Свияжск утрау-шәһәрчеге» дәүләт тарих-архитектура һәм сәнгать музей-тыюлыгының «Казачий круг» Казак җырлары республика фестивале узачак. Фестиваль 12.00 сәгатьтә ачыла һәм интерактив уен программасы, ярышлар, казак кухнясы ризыклары белән сыйлау белән дәвам итәчәк. Фестивальдә катнашучылар борынгы һәм заманча казак җырларын башкарачак.
«Сәйдәш» мәдәният үзәгендә «Апуш» балалар татар театр студиясенең премьерасы булды: тамашачылар студиянең 30 тәрбияләнүчедән торган беренче эше белән таныштылар.
15 июнь көнне 17:00 сәгатьтә Казан яшь тамашачылар театрының Имән залында филология фәннәре докторы, профессор, әдәби тәнкыйтьче Артем Скворцовның лекциясе булачак. Лекция Василий Аксеновның "Минем бабам — һәйкәл" һәм "Серле сандык" повестьлары буенча куелган "Гена Стратофонтов маҗаралары" спектакленең премьерасына багышлана. Артем Эдуард улы Аксеновның балалар прозасы үзенчәлекләре, аның повестьларының автобиографиялелеге, язучы теле һәм сәнгати методы турында сөйләячәк.
«The Art Newspaper Russia» арбуйлы сәнгать һәм мәдәният турында басма 2021 ел өчен Россия музейларына йөреш рейтингын бастырды - Казан 2 нче урында!
Бүген Казанда Башкортстан һәм Татарстан артистлары катнашында «Без бергә» проекты кысаларында хәйрия концерты була. Концерттан кергән акча Донецк һәм Луганск халык республикаларына җибәреләчәк, дип хәбәр итә чараны оештыручылар.
Татарстан Республикасы Милли музеенда «Вакыт. Вакыйга. Халык». Бу – «Россиянең дөньяда роле» Бөтенроссия күргәзмә проектының бер өлеше, проектның инициаторы - РФ Президенты Идарәсе. Тамашачылар Татарстанның төрле өлкәләрдә – сәясәттә, икътисадта, фәндә, сәнгатьтә, спортта мөһим казанышларын күрәчәкләр. Бу казанышлар регионны РФ субъектлары арасында лидерлыкка чыгардылар, дөньякүләм танылу алып килделәр . Берничә экспонат беренче тапкыр тәкъдим ителгән.
«А шәһәре» мәдәният волонтерларының Бөтенроссия иҗади мануфактурасы тәмамланды, ул Россиянең 57 төбәгеннән 400 дән артык катнашучыны берләштерде!
6 июньдә XVIII Казан халыкара мөселман киносы фестивале кысаларында узачак кинопроектларны Питчингка гаризалар кабул итү башланды.