ЯҢАЛЫКЛАР
Кичә «ПушкинФЕСТ» 2023 рус мәдәнияте фестивале башланды. Фестиваль 39 нчы номерлы мәктәпнең рәсем сәнгате түгәрәге укучыларының «Балачак бизәге» күргәзмәсе белән ачылды, анда Пушкин әсәрләре буенча иллюстрацияләр тәкъдим ителде. Халыкара балаларны яклау көне хөрмәтенә фестивальнең беренче көне «Пушкин һәм балалар» дип аталды.
5 июньнән 11 июньгә кадәр Казанда «Нәүрүз» XVI Халыкара театр фестивале уза.
Бүген Казан циркында Халыкара балаларны яклау көненә багышланган тантаналы чара узды. Чарага бүген “Мәктәп укучысының мәдәни көндәлеге” Республика мәдәни-мәгариф проекты җиңүчеләре, шулай ук махсус хәрби операциядә катнашучыларның балалары һәм гаилә әгъзалары чакырылды.
1 июнь көнне Алабуга дәүләт музей-тыюлыгының заманча этносәнгать музеенда «Мин Шишкин кебек рәсем ясыйм» дип исемләнгән XIX Республика яшь рәссамнар конкурсында җиңүчеләрне бүләкләү тантанасы узды.
Бүген 1 июнь көнне Әлмәт театрында яшь тамашачыларны һәм аларның әти-әниләрен урамда ук каршы алдылар. Бинага керер алдыннан уен зонасы оештырылды, музыка астында балалар белән әкият персонажлары аралашты.
Балаларны яклау көнендә «Әкият» татар дәүләт курчак театрында махсус хәрби операциядә катнашучы хәрби хезмәткәрләрнең балалары өчен «Алисаның могҗизалар иле» спектакленең премьерасы үтте.
Татарстанның Саба районы Шикшин авылы мәдәният йортының «Бөрлегән» командасы «УенФест» III Халыкара традицион халык уеннары фестиваль-конкурсында Гран-при иясе булды. Конкурста җиңүчеләр Россия аттракционнарының иң яхшы паркларының берсендә - Сочи шәһәрендәге «Сочи Парк» уникаль аттракционнар комплексында күңел ачачак.
28 май көнне А.В.Баталов исемендәге Бөгелмә дәүләт рус драма театрында «Женитьба гусара» спектакле белән 88 нче театр сезоны ябылды. Узган сезон төрле истәлекле вакыйгаларга бай һәм нәтиҗәле узды.
2023 елның 7 июнендә «Казан Кремле» музей-тыюлыгының күргәзмәләр залында Көнчыгыш-Казахстан тарих-туган якны өйрәнү музее коллекциясеннән «Бөек дала алтыны» күргәзмәсе ачылачак. Оештыручылар билгеләп үткәнчә, проектның төп максаты - борынгы номадларның сәнгать артефактлары нигезендә Казахстанның тарихи үткәненең бөеклеген һәм зур потенциалын күрсәтү.
2-4 июньдә "Сәйдәш" мәдәни үзәге сәхнәсендә "Алтын Семруг" спектакленең премьера тамашасы уза. Яшь талантлар һәм атказанган сәнгать эшлеклеләре, традицион мәдәният һәм интерактив караш, 35 артист, 20 кешедән торган төркем - Казан шәһәре башкарма комитетының мәдәният идарәсе һәм Президент мәдәни инициативалар фонды тарафыннан хупланган "Илһам" шәхси музыка мәктәбе проекты әнә шулай туган.