Казанда француз җырчысы

Муратның группасында, үзеннән кала, тагын ике музыкант – гитара һәм барабанда уйнаучы егетләр бар. Француз музыкантлары өч концерт белән чыгыш ясаячак: 17 декабрь – «Желтая кофта» кафесы, 19 декабрь - «Тинькофф» ресторанында.

Ә 17 декабрь, 16.00 сәгатьтә Татар дәүләт гуманитар – педагогика университеты актлар залында (Татарстан ур., 2) җырчы студентлар өчен бушлай концерт бирәчәк.  

 

Кечкенәдән җырга мөкиббән киткән җырчы егет Сан-Дизье шәһәреннән. 1987 елда Мурат дуслары белән лицейда “SERIE LIMITEE” дип аталган беренче төркемен җыя. Соңрак ул Кристиан Кайе белән таныша. Аларның бергә эшләү нәтиҗәсендә беренче композицияләр барлыкка килә һәм сәхнәдә чыгыш ясаулары башлана. 1989  елда җырчы “France 3” телеканалы алып баручысы Патрик Шарль белән очраша. Ул “Les terrasses de l’ete” (“Җәйге террассалар”) дип аталган җәйге турне оештырырга тәкъдим ясый. 1994 елда Мурат  Эрбер Леонард җитәкчелеге астында  Дижон  шәһәрендә уздырылган француз җыры конкурсы җиңүчесе дип табыла. Җырчы Бони М., Корона кебек ул чорның бөек йолдызлары саналган җырчылар белән бер сәхнәдә чыгыш ясый. 1998 елда музыкант  Сан-Дизьега кайтып, Аксель Рэд концертының беренче өлешендә 10000 кешелек аудиторя алдында чыгыш ясый . Әлеге вакыгадан соң, ул тамашачы һәм профессионалларның да яраткан җырчысына әверелә.

1999 елда Мурат Парижга китә. Яхшы танышлары җырчыга студиядә альбом яздырырга, композицияләренең сыйфатын яхшыртырга ярдәм итә. 2004 елда 8000 кеше алдында данлыклы француз башкаручылары Корней һәм  Наташа Сан Пьер белән чыгыш ясый.

 2006 елның май аенда артистның Россия буенча беренче турнесы оештырылды. Муратны Россия тамашачысы яратып кабул итте. Күпсанлы хәйрия концертлары өчен, җырчы 2006 елның 23 декабрендә Кремльгә чакырыла.  Андагы чыгышыннан соң, Мурат “Сәнгатькә хезмәт итү” өчен алтын ордены белән бүләкләнә. 2007 елның февраль аенда артист Франциянең телевизион эфирларында катнаша. Шушы ук елның май аенда Мурат Россия буйлап уңыш казанган зур турне оештырды. Аны Самара, Тюмень, Сарытау, Екатеринбург, Түбән Новгород, Тольяти кебек шәһәрләрдә тыңладылар. Җырчы Мәскәү шәһәре башлыгы Ю.М.Лужков тарафыннан, мәдәният һәм сәнгатьтәге уңышлары өчен,  Бөек Петр исемендәге алтын медаль белән бүләкләнде.