Алабуга дәүләт музей-тыюлыгында халыкара арт-симпозиум үтәчәк

10-20 июльдә Алабуга дәүләт музей тыюлыгында заманча сәнгать буенча “Гореф-гадәтләр” ХII Халыкара арт-симпозиум узачак. Чара РФ һәм ТР Мәдәният министрлыклары, шулай ук Россия Рәссамнар берлегенең Татарстандагы бүлекчәсе ярдәме белән оештырыла.

2006 елдан башлап Алабуга музей-тыюлыгы 18 арт-проект үткәргән, аларда дөньяның 17 иленнән 570 рәссам катнашкан.

Быелгы арт-симпозиумга алты ил: Россия, Венгрия, Төркия, Украина, Казакъстан һәм Төркмәнстаннан профессиональ сәнгать һәм иҗади берлек әгъзалары киләчәк. Россия данын Татарстан, Башкорстан, Удмуртия, Мари Эл, Кырым, Алтай, Төньяк Осетия-Алания, Кабардин-Балкария, Калмыкия, Хакасия һзм Бурятия республикалары яклаячак. Халыкара проектлар хәрәкәте тарихына Мәскәү, Киров, Ставрополь, Ростов-Дон, Ноябрьск һәм Комсомольск-Амур рәссамнары да үз өлешен кертәчәк.

Арт-проект тәмамлагач анда катнашучыларны Россия Федерациясе Музей фонды составына дәүләт исәбенә куйчаклар. Симпозиумның нәтиҗәсе яңа әсәрләр коллекциясе күргәзмәсе булачак, киләчәктә ул Россия музейлары күргәзмә залларына куелачак.