Татарстан Республикасы Министрлыклары Татарстан Республикасы Мәдәният министрлыгы

12-16 декабрь көннәрендә Казанда Бөтендөнья татар конгрессының IV съезды уза

2007 елның 11 декабре, сишәмбе

Съездда барлыгы 800дән артык делегат һәм чакырылган кунаклар булыр дип көтелә. 361 делегат Россия Федерациясе, 121 – Балтика һәм Берләшкән дәүләтләр берлеге, 66 – чит ил, 100дән артыгы Татарстан Республикасы район һәм шәһәрләреннән татар оешмаларын тәкъдим итәчәк. Алар татар телен, мәдәниятен, гореф-гадәтләрен саклау буенча фикер алышачаклар. Моннан тыш, Бөтендөнья татар конгрессының алдагы 5 елда башкарырга тиешле эшләрен барлый һәм конгрессның җитәкче органнарын сайлаячаклар. Съездның мәдәни чаралар программасында иң яхшы спектакльләр, концерт программалары каралган. 13 декабрь көнне М.Җәлил исемендәге Татар дәүләт опера һәм балет театрында Р.Ахиярованың “Шагыйрь гыйшкы” операсын тәкъдир итү, 14 декабрь «Корстон» күңел ачу үзәгендә республика сәнгать осталары концерты(“Казан” бию ансамбле, «La Primavera» республика җыр һәм бию камера оркестры, “Сөембикә” вокал ансамбле, солистлар – Идрис Газиев, Рөстәм Асаев, Альберт Исмаил, Мәликә һ.б чыгышы); 15 декабрь көнне Г.Камал исемендәге Татар дәүләт академия театрында З.Хәкимнең «Телсез күке» спектаклен карау планлаштырылган.

Съезд кысаларында әдәби-музыкаль кичәләр үткәрү дә күздә тотыла. 12 декабрь Г.Камал исемендәге татар дәүләт академия театры бинасында “Язмышлар һәм мөһаҗирләр”- язучы Тәүфыйкъ Әйди истәлегенә багышланган кичә, 15 декабрь С.Сәйдәшев исемендәге Зур концертлар залында «Дәрдмәнд сиземләүләре» дип исемләнгән чара узачак.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Ел саен үткәрелә торган театр конкурсында һәм Татарстан Республикасы Мәдәният министрлыгының «Тантана» премиясендә җиңүчеләр аталды

Бөтендөнья театр көнендә Габдулла Тукай исемендәге Әтнә татар дәүләт драма театры сәхнәсендә Ел саен үткәрелә торган театр конкурсында һәм Татарстан Республикасы Мәдәният министрлыгының «Тантана» премиясе җиңүчеләрен игълан иттеләр.

Драматургия өлкәсендә чираттагы «Яңа татар пьесасы-2026» премиясенә конкурс игълан итәлә

Татарстан Республикасы мәдәният министрлыгы, Татарстан Республикасы Театр эшлеклеләре берлеге, Г.Камал исемендәге Татар дәүләт Академия театры драматургия өлкәсендә чираттагы «Яңа татар пьесасы-2026» премиясенә конкурс игълан итәләр.

Борынгы дөньяның 4000 елдан артык тарихы – Казанда!

Үзенең 131 нче туган көнендә, 5 апрельдә, Татарстан Республикасы Милли музее «Сирәклекләр кабинеты: Борынгы Мисыр һәм антика коллекцияләре» дигән яңа күргәзмә ача. Күргәзмә музейның Мисыр һәм антика коллекцияләрен беренче тапкыр тулы күләмдә тәкъдим итәчәк – безнең эрага кадәр IV меңьеллыктан башлап, безнең эраның III–IV гасырларындагы Рим Мисрындагы ут савытына кадәр.

Татарстан Республикасының мәдәният министры И.Х. Әюпованың Халыкара театр көне уңаеннан котлавы

Хөрмәтле хезмәттәшләр, театр сәнгате әһелләре, кадерле сәхнә ветераннары, тугры тамашачыларыбыз! Ихлас йөрәктән сезне Халыкара театр көне белән тәбрик итәм! Быел театр җәмәгатьчелеге берничә күренекле вакыйганы билгеләп үтә: татар профессиональ театрының 120 еллыгы, Большой театрның 250 еллыгы, Александринский театрның 270 еллыгы, Россия Федерациясе Театр әһелләре берлегенең 150 еллыгы. Бу вакыйгалар – чор тарихы гына түгел, меңләгән кеше язмышы: актерлар, режиссерлар, рәссамнар, ут куючылар, костюмерлар, грим ясаучылар, музыкантлар, билет тикшерүчеләр, гардероб эшчеләре һ.б. Бу кешеләр – тере театр дип аталган могҗиза тудыручылар. Бүген республикабызда 30га якын профессиональ театр, йөзләгән халык һәм балалар театр коллективлары эшләп килә. Без яңа театрлар төзибез, тарихи биналарны төзекләндерәбез, яшь белгечләргә һәм сәхнә ветераннарына ярдәм итәбез. Шулай да, театрның төп байлыгы ул – кешеләр. Тамашаны карарга килүчеләр, сәхнәдә балкучылар һәм сәхнә артында калучылар. 120 элек татар поэзиясенең кояшы Габдулла Тукай «Театр» шигырендә безнең өчен кадерле васыять әйтеп калдырган: Халыкка дәрсе гыйбрәттер театр, Күңелдә йоклаган дәртне уятыр. Театр — яктылыкка, нурга илтә, Кире юлга җибәрми, уңга илтә. Кадерле коллегалар! Бу юлдан тугры атлавыгыз өчен: халык йөрәген уятып, яктылыкка, хакыйкатькә юл ачып, халыкка ышаныч бирүегез өчен рәхмәт сезгә! Бәйрәм белән! Хөрмәт белән, Татарстан Республикасы мәдәният министры Ирада Әюпова

ЯҢАЛЫКЛАРГА ЯЗЫЛУ