Татарстан Республикасы Мәдәният министрлыгы

Иртәгә Казанда Зөраб Церетели эшләреннән торган күргәзмә ачыла

2007 елның 10 декабре, дүшәмбе

Казан Кремлендә оештырылган әлеге чараны Академия президентының үзенә күрә иҗади җавап тотуы дип аңларга кирәк. Биредә рәссам иҗатының ни кадәр киң кырлы булуын күрергә була. Графика, сәнгать әсәрләреннән кала, күргәзмәдә дөньяның төрле шәһәрләрендә куелган монументлар белән дә фотолар аша танышырга мөмкин.

Казан – Россия Сәнгать академиясе белән тыгыз элемтәдә торган шәһәрләрнең берсе. Татарстан башкаласы Академиянең Идел буе бүлегенә керә. 1977 нче елдан биредә Россия Сәнгать академиясе әгъзасы, СССРның халык рәссамы Х.Якупов җитәкчелеге астында иҗади остаханә эшләп килә. Тиздән Казанда Сәнгать академиясенең югары уку йорты – В.И.Суриков исемендәге Мәскәү дәүләт сәнгать академиясе институтының филиалы ачылуы көтелә.

Россия Сәнгать академиясенә 250 ел тулуны Россиядә генә түгел, чит илләрдә дә бәйрәм итәләр. Әлеге дата ЮНЕСКОның 2007 елга төзегән истәлекле даталар исәмлегенә дә кертелгән. Программа күп санлы күргәзмә, чаралар үткәрүне үз эченә ала. Алар Мәскәү һәм Санкт – Петербург, шулай ук Юнеско штаб – фатирларында (Париж (Франция), Йоханессбург (Көньяк Африка Республикасы), Сидней (Австралия), Токио (Япония), Женева (Швейцария)) үтте.Юбилей күргәзмәләре киләсе ел барышында Япония, Кытай, Корея, Франция, Испания һәм АКШта узачак.Чараларның барысы да Россия сәнгатен бөтен дөньяга таныту максатыннан чыгып эшләнелә.

БАРЛЫК ЯҢАЛЫКЛАРНЫ УКУ