Плакатлар конкурсына нәтиҗә ясалды

Кичә Республиканың яшүсмерләр китапханәсендә Россиядә рус теле һәм китап уку елы булуга багышланып үткәрелгән  “Һәрвакыт булсын китап” конкурсына йомгак ясалды. Конкурсның максаты - плакатлар сәнгате һәм китап укуга кызыксыну уяту. Конкурс  быелның 15 апреленнән 15 ноябренә кадәр дәвам итте. Җиңүчеләр исә ике номинациядә билгеләнде :17 яшькә һәм 18дән  24 яшькә кадәр булган катнашучылар. Конкурсантлар китапка  багышланган плакатлар ясарга тиеш иде. Беренче тур Татарстан район һәм шәһәр муниципаль берәмлекләре китапханәләрендә узса, икенче турда эшләргә бәяне Республика оештыру комитеты бирде. Конкурс эшләре тема яктыртуның идея тирәнлеге, индивидуальлеге, стандартларны үтәү осталыгына карап бәяләнде. Конкурска 251 катнашучыдан 260 эш тәкъдим ителде. Ул аеруча сәнгать мәктәпләре, профессиональ лицей, югары уку йортында укучыларда кызыксыну уяткан. Теманы ачу өчен яшь каләм ияләре гуашь, акварель, тушь, карандаш, коллаж, кәгазь пластикасы, компьютер графикасын кулланган .

Материалларның күләменә килгәндә, беренче номинациядән (14 – 17 яшьләр) 206 эш тәкъдим ителде. Алар арасыннан иң яхшылар булып Зәйдән Алия Ямалиева (беренче урын), Казанның 3нче номерлы сәнгать мәктәбеннән Дарья Буштец (икенче урын) һәм Баулыдан Елена Платонова танылды. Икенче номинациядән (18-24 яшьләр) 54 эш кабул ителде. Алар арасыннан Балтачтан Татьяна Яковлева (икенче урын), Чирмешәннән Руслан Әхтәмов (өченче урын) җиңүчеләр дип табылды. Барлык катнашучыларга да истәлекле бүләкләр тапшырылды.