Татарстан Республикасы Министрлыклары Татарстан Республикасы Мәдәният министрлыгы

Рэм Урасин Казанда чыгыш ясаячак

2007 елның 21 ноябре, чәршәмбе

5 декабрь Казанның С.Сәйдәшев исемендәге Зур концертлар залында Татарстан Республикасының халык артисты, Халыкара конкурслар лауреаты пианинода уйнаучы Рэм Урасинның концерты узачак.

Музыкант тамашачыга Людвиг Ван Бетховенның 14-нче номерлы сонатасы, Йоханнес Брамс, Франц Шуберт, Фридерик Шопен, Александр Скрябин, Ференц Лист фантазияләрен үз эченә алган “Фантазияләр” программасын тәкъдим итәчәк.

Концертның башлану вакыты 18.30 сәгатьтә.

Рэм Урасинны пианинода уйнаучы яшь талантлар арасыннан иң романтик шәхесләрнең берсе дип атыйлар.

Музыкант 1976 нчы елда Казанда туган, Казан дәүләт консерваториясе каршындагы махсус музыка урта мәктәбенең М.В.Сухаренко классын тәмамлаган. Рэм 13 яшендә үк үзенең беренче соло программасы белән чыгыш ясый. 15 яшендә Мәскәүдә Шопен исемендәге халыкара конкурста җиңүче исемен ала, ә өч елдан соң, Варшавада ХIII Шопен исемендәге конкурс лауреаты була(1995 ел). 2001нче елда Мәскәү консерваториясе аспиранты Рэм Урасин Монте-Карлода үткән Халыкара башкаручылар конкурсы Гран-при иясе исемен ала. Ә 2004 нче елда Сиднейдагы Халыкара пианинода уйнаучылар конкурсы лауреаты һәм дүрт махсус бүләк (Моцарт концертын, Шопен, Австрия композиторы әсәрләрен иң яхшы башкаручы һәм тамашачы мәхәббәтен яулаган музыкант) иясе.

Рэм Урасин Россия һәм чит илнең күп шәһәрләрендә концертлар белән чыгыш ясады. Болар: Россия халык оркестры, Мәскәү филармония һәм Варшава филармония оркестры, Вена һәм Краковск камера оркестры, Екатеренбург камера оркестры һәм тагын башка шундый танылган коллективлар. Ул В.Спиваков, М.Венгеров, К.Корд, В.Дударова,А.Рудин, Ф.Мансуро кебек танылган музыкантлар белән дә бергә эшләде.

Бүгенге көндә Рэм Урасин берничә компакт диск чыгарган, аның турында ике фильм да төшерелде: “Это вечное чудо”(“Бу- мәңгелек могҗиза” - 1993), “Большая игра”(“Зур уен”- 2000).

Казанда туып үскән булуына да карамастан, концертлар белән музыкант безнең якларда бик сирәк була:аның концертлар графигы берничә елга ук төзелеп куелаган.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

ТР Дәүләт җыр һәм бию ансамбле Мәскәүдә милли коллективлар фестиваль-форумын ябу тантанасында чыгыш ясаячак

30 майда П.И. Чайковский исемендәге концертлар залы сәхнәсендә РФнең атказанган, ТРның халык артисты Айрат Хәмитов җитәкчелегендәге Татарстан Республикасы Дәүләт җыр һәм бию ансамбле чыгыш ясаячак. Әлеге концерт Россия Федерациясе Мәдәният министрлыгы һәм «РОСКОНЦЕРТ» федераль дәүләт бюджет мәдәният учреждениесы ярдәмендә узачак Россия милли һөнәри иҗат коллективлары берлеге фестиваль-форумының финал аккорды булачак.

май, 2026 ел

Татарстан Республикасы мәдәният министрының музейлар көне уңаеннан котлавы

Хөрмәтле Татарстан музейлары хезмәткәрләре! Сезне Халыкара музейлар көне белән котлыйм! Бу көн – тирән һөнәри белемнәрне генә түгел, рухи байлык, дөнья тарихына һәм сәнгатькә булган олы мәхәббәтне тану һәм бәяләү символы.

май, 2026 ел

Казан халыкара «Алтын мөнбәр» кинофестивале эчендә милли конкурс узачак

2026 елның 4-8 сентябрендә Татарстан башкаласында XXII Казан халыкара «Алтын мөнбәр» кинофестивале узачак. Ул яшәү дәверендә кинематографик дөньяның танылган мәдәни вакыйгасына әверелде. Күренекле режиссерларның иң яхшы фильмнары ел саен әлеге кинофорум кысаларында күрсәтелә. Тулы метражлы, документаль һәм анимацион фильмга номинацияләр белән беррәттән, «Алтын минбар» фестивале Иң яхшы милли фильмнарны сайлый.

Казан Кремлендә Бөтенроссия «Музейлар төне» акциясе узачак

2026 елның 16 мае, шимбә көнне, Казан Кремле кунакларны һәм шәһәр халкын Бөтенроссия «Музейлар төне» акциясенә чакыра. Акциянең темасы — «Туган», бу Россия халыклары бердәмлеге елын үткәрү белән аваздаш. Акция 17:30 сәгатьтә «Аллея кунаклары» дигән бушлай спектакль белән башланып, квестлар, экскурсияләр, остаханәләр һәм башка интерактивлар белән Казан Кремле музейларында һәм күргәзмә залларында 23:00 сәгатькә кадәр дәвам итәчәк. «Музейлар төне»нең тулы программасы белән сайтта танышырга чакырабыз.

ЯҢАЛЫКЛАРГА ЯЗЫЛУ