Казанда Милли традицияләрне торгызу фестивале үтәчәк

2007 елның 21 ноябре, чәршәмбе
30 ноябрь Милли сәнгать галереясендә Милли традицияләрне торгызу фестиваленең ачылу тантанасы узачак.
Фестиваль 29 ноябрьдән алып 2 декабрьгә чаклы үткәрелә. Аның программа кысаларында:
- милли биюләргә өйрәтү (дөнья халыклары биюе, Идел буе халыклары биюе); 
- һөнәрләргә өйрәтү ( тиредән мозаика, агач эшкәртү, киемнәр тегү, чигү һ.б.);
- фольклор коллективлары чыгышы.
Фестиваль “Татарстан – уртак йортыбыз” фото күргәзмәсе кысаларында үткәрелә. Бөтендөнья татар конгрессы Корылтае алдыннан ул тамашачыны республикада яшәүче халыкларның милли мәдәнияте һәм сәнгате белән таныштыруны күздә тота.     
Фестиваль көннәре барышында махсус мастерскойлар эшләячәк. Анда һөнәр ияләре, рәссамнар үзләренең осталыклары белән бүлешәчәк. Фестиваль ачылышы 30 ноябрь, 15.00 сәгатькә билгеләнгән.
 
Милли традицияләр  милләтнең мәдәнияте, милли характер нигезен тәшкил итә. Милли бизәкләр, кунакларны каршы алу кагыйдәләреннән чыгып, халыкның дөньяга крашын билгеләргә мөмкин; ә милли аш, көндәлек һәм бәйрәм киемнәре халык күңеленең бер өлешен ачарга ярдәм итә. Татарстан Республикасы – төрле этник төркемнәргә караган халыклар йорты. Алар арасында ныклы дустанә мөнәсәбәт булган очракта гына тыныч киләчәккә өметләнергә мөмкин. 
Милли традицияләрне торгызу фестивале төрле халыкларны берләштерү, бер-берләренә карата хөрмәт һәм дуслык хисе булдыру максатыннан оештырыла.
 
Милли сәнгать галереясе
ТР Сынлы сәнгать дәүләт музее филиалы
Кремль ур., 3-нче подъезд
Тел.: 567 80 43, 567 80 58
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр кабул итү
Адрес: 420015, Казан шәһәре, Пушкин урамы, 66/33
Телефон: +7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International