Татарстанның алдынгы китапханә директорлары китапханәләр буенча бөтенроссия киңәшмәсендә катнаша

21нче ноябрьдән 23нче ноябрьгә кадәр федераль һәм үзәк региональ китапханә җитәкчеләренең Санкт – Петербург шәһәрендә “Россия Федерациясе китапханәләре: үсешнең яңа этабы” дип аталган еллык киңәшмәсе узачак. Киңәшмәне оештыручылар – Мәдәният һәм киномотография федераль агентлыгы, Россия милли китапханәсе, Россия дәүләт китапханәсе һәм В.В.Маяковский исемендәге шәһәр халык китапханәсе(Санкт-Петербург шәһәре). Киңәшмәдә федераль һәм үзәк региональ китапханәләре, шулай ук Россия Федерациясенең мәдәни субъект идарә органнары җитәкчеләре катнаша.

21 һәм 22нче ноябрь көннәрендә Россия Федерациясе президенты В.В.Путинның Россия Федерациясе Федераль Җыелышына җибәргән Юлламасын чынга ашырган вакытта китапханәләрнең эшчәнлеге һәм үсеш перспективасын тикшерүгә багышланган пленар утырыш һәм түгәрәк өстәл узачак.

Аларда түбәндәге сораулар буенча сөйләшү каралган:

- Россия Федерациясе Президентының Росия Федерациясе Федераль Җыелышына булган Юлламасын чынга ашыру барышында китапханәләр һәм китапханәләр белән идарә итү органнары эшчәнлеге;    

- Илдә китапханәләр системасын үстерү ( Б.Н.Ельцин исемендәге Президент китапхәсе булдыруны да истә тотып);

- китапханә эшчәнлеге алшартлары, аның икътисади һәм хокукый нигезләре;

-  Россия Федерациясе Президентының Росия Федерациясе Федераль Җыелышына булган Юлламасын чынга ашыру кысаларында китапханәләрнең үсеш перспективалары;

Киңәшмә нәтиҗәләре буенча материаллар җыелмасын нәшер итү күздә тотыла. Киңәшмәдә Татарстаннан да вәкилләр катнаша. Болар: Татарстан Республикасы Мәдәният министрлыгының социаль- мәдәни һәм муниципаль учрежденияләр белән эшләү бүлеге хезмәткәре Алсу Исмәгыйлева һәм республика китапханәләре директорлары: Наил Камбәев (Татарстан Республикасы Милли музее), Рита Җиһаншина (Республика яшүсмерләр китапханәсе), Разыя Сираева (Республика балалар китапханәсе) , Наил Сәфәргалиев ( Республиканың сукырлар өчен махсус китапханәсе).