ТР Алман Йортында Студентлар конференциясе дәвам итә

 Быел әлеге конференция ТР Алман Йорты белән тыгыз элемтәдә алып барыла. Аның девизы – “Бергә укырга, бер-беребездән өйрәнергә”. “Трилог” пректының үзенчәлеге шунда: аның оештыручылары да, катнашучылары да шул студентлар үзләре. Казаннан катнашучылар, нигездә, Казан Дәүләт университеты студентлары: Халыкара мөнәсәбәтләр, политология, филология факультеты шәкертләре. Алман иленнән исә Берлинның Ирекле университеты, Гумбольт ис. Берлин университеты һ.б. студентлары җыелган.

Быел конференциянең төп темалары итеп Икенче бөтендөнья сугышы һәм Культура ара коммуникация сайланды. Германия студентларында аеруча шәхес буларак Муса Җәлил, аның тормышы, “Моабит дәфтәрләре” зур кызыксыну уятты.   Бүген доклад белән алар алдында Р.Х. Җәлилова чыгыш ясады ( ул 72нче номерлы мәктәптә немец теле укытучысы, Муса Җәлилнең туганы) . Кичен чит ил кунакларын милли ашлардан гына әзерләнгән табын белән концерт көтә. Конференция катнашучылары үз эзләнүләрен тәкъдим итә, алар буенча чакырылган экспертлар(Р. Н. Вәлиуллина ( Татарстан Республикасы Министрлар Кабинеты каршындагы Диннәр эше буенча Советы рәисе), Д. М. Исхакова һәм И. Л. Измайлова ( Фәннәр академиясе, Мәрҗәни институты), В. Г. Дица (Алман Йорты директоры)) фикерен тыңлый.  

“Триалог” проекты беренче тапкыр 2002нче елда үткәрелә. Ул вакытта проект катнашучылары һәм аны үткәрүчеләр Мәскәү дәүләт халыкара мөнәсәбәт институты, Петербург университеты һәм Берлинның Ирекле университеты була.

 

Триалог исеме проекттан өч униветситет аралашканнан барлыкка килгән дә инде. Алдагы елларда катнашучылар исемлегенә Киев, Барнаул университетлары, Гумбольт ис. Берлин университеты һ.б. кертелә. Бүгенге көндә бер юлы берничә прект эшләнелеп килә. Шуларның берсе өстендә Казан һәм Берлин стубентлары көч куя. Гадәт буенча, конференциядә һәр яктан 10шар кеше катнаша. Алар бер-берсе белән өч телдә – инглиз, рус һәм алман телләрендә аралаша.