“«Алтын мөнбәр» фестивален иң яхшы яктыртучы” конкурсы дәвам итә

III “Алтын мөнбәр” кино фестивале дирекциясе сентябрь аенда игълан иткән язма һәм белдерүләр конкурсына Татарстанның 21 ММЧнан 113 материал тәкъдим ителгән. Кинофестиваль эшен яктырткан хезмәтләрен 10 газета, 5 телекомпания, 3 журнал, 2 радио станциясе һәм бер мәгълумат агентлыгы тапшырган. Бүгенге көндә конкурсның комиссиясе төзелде. Аның рәисе итеп Татарстан Республикасы Премьер-министры урынбасары –Мәдәният министры Зилә Вәлиева билгеләнде.    Комиссиядә: журналист, язучы, Татарстан Республикасы Язучылар берлеге әгъзасы Рафаэль Мостафин, драматург Мансур Гыйләҗев, кино тарихы турындагы китаплар авторы Елена Алексеева, драматург, публицист, язучы, җәмәгать эшлеклесе Рабит Батулла һәм кино операторы, Татарстан республикасы Киномотаграфистлары берлеге әгъзасы Андрей Кузьмин. Комиссия язмаларга бәя бирү эшенә 20 ноябрь көнне керешәчәк.

Исегезгә төшереп үтәбез – конкурс 5 номинация буенча игълан ителде:”Иң яхшы басма материал”, “Иң яхшы телевидение сюжеты”, “Иң яхшы материаллар сериясе”, “Иң яхшы фото”. Һәр номинациядә җиңүче 10 000 сум күләмендә премия алачак. Шулай ук катнашучыларга истәлекле бүләкләр һәм дипломнар тапшырылачак. Җиңүчеләрне тәбрикләү  2007нче елның 25нче декабренә билгеләнгән.

Фотокорреспондентлар игътибарына: III “Алтын Мөнбәр” кино фестивален яктырту буенча фото материаллар кабул итү дәвам итә. Фотоларны электрон формада (jpg форматында), автор исем-фамилиясен, фотоның басмада чыгу вакытын күрсәтеп, 2007нче елның 19нчы ноябренә кадәр тапшырып бетерергә кирәк. Газета-журналда урын алмаган фотоларны карау да мөмкин. ЭшләрТатарстан Республикасы Мәдәният министрлыгыны тапшырылырга тиеш (белешмәләр өчен телефон: 264-74-52, 264-74-10. Адрес – Пушкин ур., 66/33, 113-нче яки 114-нчебүлмә).