Ульян өлкәсендә Татарстан республикасы Мәдәният көннәре үтә

12 ноябрьдән 18 ноябрьгә кадәр Ульян өлкәсндә Татарстан республикасы көннәре уза. Әлеге программа кысаларында түбәндәгеләр каралган:

- Сихаб Урайскийның тууына 100ел булу уңаеннан язучы һәм публицистның туган авылында(Татар Урае) мәрмәр такта ачу;

- “Татар китабы бәйрәме”н оештыру. Аның кысаларында Рифкать Хисмәтнең “Күңел көзгесе” китабын тәкъдир итү;

-  "Сембер җырлары” татар җыры конкурсы;

-  Әлмәт татар дәүләт театрының Мостай Кәрим әсәре буенча куелган “Кыз урлау” спектакле белән гастроль туры;

-  Милли көрәш буенча Ульян өлкәсенең икенче ачык чемпионаты;

- Татарстан Республикасының халык артисты Зөһрә Шәрифуллинаның “Мәхәббәт болыны” гастроль туры.

Ульян өлкәсендә Татарстан Республикасы Мәдәният көннәренең ябылу тантанасы 18 ноябрь көнне Ульянов Ленин мемориалының зур залында узачак. Анда премьер-министр Рөстәм Миннеханов, Бөтендөнья татар конгрессы Башкарма комитеты рәисе беренче урынбасары Рәмис Сафин,өлкә губернаторы Сергей Морозов һәм башка рәсми кандидатуралар катнашачак. Шул ук көнне Ульянда “Татарстан республикасының Ульян өлкәсе белән мәдәни мөнәсәбәтләре” дип исемләнгән түгәрәк өстәл һәм Татар мәдәният үзәге проектын тәкъдир итү булачак. Мәдәният көннәре Татарстан сәнгать эшчәннәре гала-концерты белән тәмамланыр дип көтелә.

Шулай ук Ульян өлкәсе һәм Татарстан Республикасы хөкемәтләренең рәсми очрашулары вакытында сәүдә – икътисад, фәнни-техник һәм социаль – мәдәни өлкәдә бергә эшләү буенча килешү төзеләчәге дә планлаштырыла.

Бүгенге көндә Ульян өлкәсендә 170 меңгә якын татар авылы исәпләнә. Соңгы 10 ел эчендә активистлар тарафыннан татар мәдәнияте һәм уку-укыту системасын яхшырту буенча эшләр алып барыла.