Сукырлар һәм начар күрүчеләр өчен республика махсус китапханәсе укучылары бөек татар шагыйре Габдулла Тукайның туган ягында булып кайтты.
Автобус турының төп объекты – Габдулла Тукайның әдәби-мемориаль музей-комплексы булды. Экскурсоводлар шагыйрьнең авыр бала чагы, аның Кырлайда уздырган гомере турында тәфсилләп сөйләделәр, музей экспозициясе, соңрак комплекс территориясендәге Тукай әкиятләре геройлары - скульптуралар белән таныштырдылар.
ТР Мәдәният министрлыгының Матбугат хезмәте