Татарстан Республикасы Мәдәният министрлыгы

«Шаяннар, тапкырлар, мәзәкчеләр» клубларының иҗат төркемнәре арасында V Республика бәйгесе уздырыла

2010 елның 25 ноябре, пәнҗешәмбе

«Шаяннар, тапкырлар, мәзәкчеләр» клубларының иҗат төркемнәре арасында V Республика бәйгесе уздырыла. Әлеге бәйге Татарстан мәдәният министрлыгының 2010 ел 25 январьдагы 17 номерлы Боерыгы нигезендә январь аенда старт алды. Анда Мәдәният министрлыгының халык иҗаты һәм мәдәни агарту эшләре Республика фәнни-методик үзәге каршында берләшкән, ике баскычта – Башлангыч Лигада, Премьер-Лигада уйнаучы Республика «Шаяннар, тапкырлар, мәзәкчеләр» клубы төркемнәре катнашты.

Бәйге өч этапта үткәрелде. Аның беренче этабында һәр муниципаль район һәм шәһәрнең ШТМ клублары катнашса, икенче этабында һәр муниципаль район һәм шәһәр финал бәйгесе җиңүчеләре катнашты. Бәйгенең икенче этабы Зәй, Әлмәт, Биектау, Апас, Нурлат, Мамадыш, Чистай, Алексеевск, Кукмара, Чирмешән муниципаль районнарында узды.

V Республика бәйгесенең зона уеннарында 27 «Шаяннар, тапкырлар, мәзәкчеләр» төркемнәре катнашты һәм Дипломант исеменә лаек булды. 26 ноябрьдә Мамадышта узачак финал уенында катнашу хокукына, зона бәйгесендә иң күп балл җыйган Башлангыч Лигадагы 5 төркем, «Мәмдәш оныклары» – Мамадыш, «Шүрәле» – Әлмәт, «Тулпар» – Нурлат, «Чулман каймаклары» – Алексеевск, «Капма – каршы» – Саба - ия булды.

Зона бәйгесендә иң күп балл җыйган Премьер-Лигада уйнаучы 6 төркем: «Буа шәкертләре» - Буа, «Хуҗа Насретдин оныклары» - Кукмара, «Алтын балык» - Балык Бистәсе, «Хыялыйлар» - Теләче, «Көлке кооперативы» - Чирмешән, «Аннан-моннан» - Саба - 10 декабрьдә Теләче муниципаль районында узачак финал уенында катнаша.

«Шаяннар, тапкырлар, мәзәкчеләр» V Республика бәйгесенең зона уеннарында гына да 400дән артык кеше иҗади төркемнәргә берләшеп көч сынашты, сәләмәт яшәү рәвешен пропагандалады.

Татарстан Республикасы Мәдәният министрлыгы матбугат хезмәте

БАРЛЫК ЯҢАЛЫКЛАРНЫ УКУ