Качалов театрында «Төп варислар» проекты кысаларында МХАТ мәктәп-студиясенең Виктор Рыжаков һөнәрханәсе гастрольләре зур уңыш белән узды.
Яшь артистлар «Заманча булмаган концерт» спектаклен күрсәтте. Бу үзенчәлекле әсәр өлкән кешеләрнең хикәяләреннән, хатирәләреннән төзелгән. Бу – яшь буынның үткәнне аңларга тырышуы, ил язмышы, кешеләр яшәеше, мәхәббәт, тугрылык кебек мәңгелек темалар турында фикер алышуы.
5 июньдә театрның кече сәхнәсендә Виктор Рыжаков үзенең укучылары белән өч сәгатьлек осталык дәресе уздырды.
Татарстан Республикасы Мәдәният министрлыгының Матбугат хезмәте