Татарстан Республикасы Министрлыклары Татарстан Республикасы Мәдәният министрлыгы

«Байрак –Җиңү символы»

2016 елның 4 апреле, дүшәмбе

6 майда 11 сәгатьтә Татарстанның Милли музеенда Бөек Ватан сугышында Җиңүгә багышланган «Байрак — Җиңү символы» дигән тантаналы чара узачак. Бу көнне Милли музей фондыннан 146нчы укчылар дивизиясе 280нче артиллерия полкының байрагы чыгарылачак. Байрак Берлинны яулаганда сугышчыларның рухын күтәреп җилфердәгән. Аны Бөгелмә районы хезмәтчәннәре бүләк итеп фронтка тапшырган булган.

Музейда Советлар Союзы Геройлары М.Җәлил, М.Сыртланова, Г.Сафиуллин һәм башкаларның шәхси әйберләре саклана. Сугыш тарихындагы аз мәгълүм вакыйгаларны барлау, һәлак булган сугышчыларны эзләү белән Милли музейның бүлеге – Бөек Ватан сугышы музей-мемориалы шөгыльләнә.

Татарстан Республикасы Мәдәният министрлыгының Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Мәдәният өлкәсендә идарәчеләр өчен милли премиягә гаризалар кабул итү озайтылды

Мәдәният өлкәсендә идарәчеләр өчен Милли премиянең Күзәтчелек советы карары буенча премиягә гаризалар кабул итү озайтылды: гариза бирү формасына өстәмә төзәтмәләр кертелде, бәяләүнең яңа критерийлары өстәлде һәм кандидатлар өчен мөмкинлекләр киңәйтелде.

Татарстан Халыклар дуслыгы йортында таҗик мәдәнияте көне узачак

27 декабрьдә Татарстан Халыклары дуслыгы йортында таҗик мәдәнияте көне узачак.Кунакларга ТР таҗикларның милли-мәдәни автономиясе яшьләр хәрәкәте активистлары әзерләгән концерт программасын тәкъдим итәчәкләр.

декабрь, 2025 ел

«Уен Фест: яңа ел уеннары тылсымы» республика акциясендә катнашыгыз

Әкият бәйрәме – Яңа ел алдыннан "Таткультресурс үзәге «ДБУ»Уен Фест: яңа ел уеннары Тылсымы" республика акциясен башлап җибәрә. Акция «Уен Фест»проекты кысаларында узачак.

М. Җәлил исемендәге Татар дәүләт опера һәм балет академия театры сәхнәсендә «Сихерләнгән малай» спектакленең хәйрия күрсәтүе була

2025 елның 29 декабрендә 10.30 сәгатьтә М.Җәлил исемендәге Татар дәүләт опера һәм балет академия театры сәхнәсендә Заһид Хәбибуллин музыкасына «Сихерләнгән малай» спектакле хәйрия күрсәтеләчәк. Балетка «Альпари», «Добро бушлай», «Дети в радость», «Тут растут», «Без бергэ», «Мамино сердце», «Солнце в доме», «Чистые сердца», «Сможем вместе», «Игелек», «Светлячок» фондлары, Казан сукырлар җәмгыяте, Идел буе ятим балалар үзәге һәм башка оешмалар вәкилләре киләчәк.

ЯҢАЛЫКЛАРГА ЯЗЫЛУ