17 февральдән 5 апрельгә кадәр «Хәзинә» милли сәнгать галереясендә Муса Җәлилнең тууына 110 ел тулуга багышланган күргәзмә эшләде. Бүген аны тантаналы төстә ябачаклар.
Әлеге күргәзмәдә Герой-шагыйрьнең образы чагылдырылган иң яхшы картиналар, график, скульптур эшләр, декоратив-гамәли сәнгать әсәрләре куелган иде.
Күргәзмәне ябу тантанасында шагыйрь Ренат Харисның «Җәлилчеләр» поэмасы яңгыраячак. Аны Киров районының 4 нче гимназиясе укучылары сөйли.
Татарстан Республикасы Мәдәният министрлыгының Матбугат хезмәте