Апрельнең 5 еннән 7 сенә кадәр Казанда Лундстрем-Fest-100 халыкара джаз фестивале уздырыла. Апрельдә Олег Леонидович Лундстремның тууына 100 ел тула.
Проектка ике концерт, фәнни-гамәли конференция һәм иҗади очрашулар керә. Россиянең халык артисты Борис Фрумкин җитәкчелегендәге Олег Лундстрем исемендәге оркестрның чыгышы казанлыларга зур бүләк булачак. Музыкантлар 5 апрельдә ДЗКЗ сәхнәсендә чыгыш ясый, Россиядә иң танылган джаз җырчысы Анна Бутурлина махсус кунак итеп чакырылган.
Татарстан Республикасы Мәдәният министрлыгының Матбугат хезмәте