20-21 февральдә И.В.Әүхәдиев исемендәге Казан музыка көллиятендә Баянда һәм аккордеонда уйнаучы яшь музыкантларның «Аккордеон тудырган тылсым» дип аталган өченче халыкара фестиваль-конкурсы узачак.
Быелгы бәйгедә катнашучылар саны артты, ә конкурсның географиясе киңәйде. Жюри составы абруйлы, танылган шәхесләр, талантлы музыкантлардан тора.
Конкурс ике номинациядә – «Ялгыз башкару» һәм «Күмәк башкару» номинацияләрендә уздырыла.
Татарстан Республикасы Мәдәният министрлыгының Матбугат хезмәте