«Идел йорт» төбәкара театр коллективлары фестиваленең йомгаклау этабы дәвам итә

Республикада «Идел йорт» төбәкара театр коллективлары фестиваленең йомгаклау этабы  дәвам итә.  

 Казанның В.И.Ленин исемендәге мәдәни-ял итү үзәгендә тамашачылар һәм жюри әгъзалары 8 көн буена 10 спектакль карады. 17 ноябрьдә әлеге үзәктә соңгы спектакльне Башкортостан Республикасының Яңавыл мәдәният йорты халык театры күрсәтте. Артистлар  Дилә Мөхәррәм-Хәйретдинованың «Без үскәндә биш кыз идек» спектаклен уйнады.

Ноябрьнең 18 еннән 23 енә кадәр «Идел йорт» фестивале Казанның Сәетгалиев исемендәге мәдәният йортында дәвам итәчәк.  

Татарстан Республикасы Мәдәният министрлыгының Матбугат хезмәте