Татарстан балеты гастрольләре Европаның 9 илендә узачак

15 ноябрьдә  Цюрихта Муса Җәлил исемендәге Татар Академия Дәүләт опера һәм балет театры  балет труппасының Европадагы гастрольләре башлана.  Театрның  көзге-кышкы турнесы Иске Дөньяның 9 иле – Швейцария, Германия, Австрия, Лихтенштейн, Франция, Нидерландия, Дания, Люксембург һәм Бельгия буйлап узачак.  Чит ил тамашачысына рус балетының иң уңышлы үрнәкләре – П.Чайковскийның  «Аккош күле», «Йокыга талган гүзәл», «Щелкунчик» , шулай ук  С.Прокофьев музыкасына иҗат ителгән «Ромео һәм Джульетта»  спектакльләре тәкъдим ителәчәк.

Татарстан Республикасы Мәдәният министрлыгының Матбугат хезмәте