«Татаркино» юбилей уздыра

30 декабрьдә Химиклар мәдәният сарае сәхнәсендә  «Татаркино» дәүләт бюджет мәдәният учреждениесенең 90 еллык юбилеен бәйрәм итү кичәсе узачак. «Татаркино» эшчәнлегенең төп юнәлешләре – республиканың кече шәһәрләре һәм авыллары халкына кино күрсәтү, кино залларын яңартып кору, яңадан җиһазлау, милли кинематографияне үстерү, Россия төбәкләре белән мәдәни хезмәттәшлекне киңәйтү, массачыл чаралар – кинофестивальләр, кино премьералары, тематик фильмнар күрсәтү, актерлар, режиссерлар, кино төшерүчеләр  белән иҗади очрашулар уздыру, республика фильмнар фондын саклап калу һәм баету, фильмнар төшерүдә катнашу.

Татарстан Республикасы Мәдәният министрлыгының Матбугат хезмәте