X Казан халыкара мөселман кинофестиваленең конкурс программасына «Документаль тулы метражлы фильм» номинациясендә 10 картина кертелгән. Россиядән өч («Кустурица дигәне кем ул?», «...Шуңа да мин – чын рус кешесе», «Линар»), Германиядән, Иран, Бөекбритания, Канададан — берешәр фильм, шулай ук өч копродукция: «Чик» (Көрдестан-Гыйрак), «Иран фильмы» (Марокко-Мисыр-Нидерландия) һәм «Әфганстан-2014» (Италия-Әфганстан) фильмнары сайлап алынган.
«Кустурица дигәне кем ул?» - дигән сорау куя режиссер Наталья Гугуева үз фильмында. Атаклы режиссер Әмир Кустурица анда бөтенләй башка яктан ачыла. Калган фильмнар да тамашачыларда зур кызыксыну тудырачак.
Татарстан Республикасы Мәдәният министрлыгының Матбугат хезмәте