Татарстан Республикасының Халыклар дуслыгы йортында «…с изюминкой» дигән фотокүргәзмә ачыла

Аның авторы - күренекле фоторепортер Шамил Абдюшев. Экспозиция Татарстан Республикасына багышлана. Тамашачыларга  республика тормышындагы күренекле вакыйгалардан төрле сюжетлы, шулай ук  көндәлек яшәеш чагылыш тапкан фотосурәтләр, мәшһүр кешеләр портретлары тәкъдим ителә.

Шамил Абдюшев - профессиональ фотограф, Журналистлар берлеге әгъзасы,   үз эшенең чын остасы. Ул Татарстанның иҗтимагый-сәяси һәм мәдәни  тормышы үзәгендә кайный, шуңа да фотосурәтләре дә гаять  кызыклы, үзенчәлекле, тамашачылар игътибарын җәлеп итәрдәй җанлы килеп чыга. 

Күргәзмә бер ай эшләячәк.

Татарстан Республикасы Мәдәният министрлыгының Матбугат хезмәте