Татарстан Республикасы Мәдәният министрлыгы һәм мәдәният учреждениеләре белән Иске татар зиратында мәдәният һәм сәнгать әһелләре каберләрен чистарту һәм төзекләндерү өмәсе уздырды
Керәшеннәрнең «Бермәнчек» фольклор ансамбле Татарстан Республикасы Мәдәният министрлыгы тарафыннан иҗат берлекләре һәм мәдәният учреждениеләре белән бергәләп уздырылган өмәдә актив катнашты. Артистлар 2013 елда бакыйлыкка күчкән хезмәттәшләре – талантлы биюче, балетмейстер Камил Байбәковның каберендә булдылар.
Өмәдә күпләр катнашты, Иске татар зиратындагы күп кенә мәшһүр әдәбият-сәнгать, мәдәният әһелләренең каберләре төзекләндерелде, чистартылды.
Иске татар зираты 250 ел элек барлыкка килгән. Анда татар халкының мәшһүр әдәбият һәм сәнгать әһелләре: Габдулла Тукай, Каюм Насыйри, Шиһабетдин Мәрҗани, Фатих Әмирхан, Бакый Урманче, Сара Садыйкова, Салих Сәйдәшев, Әнвәр Бакиров, Габдрахман Әбсәләмов, Шәүкәт Биктимеров, Гөлсем Болгарская, Равил Бохараев, Сәхибҗамал Гыйззәтуллина-Волжская һ.б. җирләнгән.
Татарстан Республикасы Мәдәният министрлыгының Матбугат хезмәте