Г.Р.Державинның тууына 271 ел тулу уңаеннан бүген Бөтенроссия шигърият фестивале уза
14 июльдә Г.Р.Державинның тууына 271 ел тулу уңаеннан бүген Бөтенроссия шигърият фестивале уза. Бәйрәм чаралары Казанның Лядов бакчасында һәм Лаешның Үзәк мәйданында оештырыла.
11 сәгатьтә Лядов бакчасында Г.Р.Державин һәйкәленә чәчәкләр кую тантанасы, соңрак үзенчәлекле «Әдәби ишегалды» узачак. Программада: Державин һәм Горький премияләре лауреатлары (Лилия Газизова, Рөстәм Сабиров, Ольга Левадная, Михаил Тузов, Елена Бурундуковская, Алена Кәримова), «Сдвиг» эксперименталь яшьләр театры, халыкара конкурслар лауреаты Юлия Җиһаншина чыгышы.
Соңрак фестивальдә катнашучылар һәм аның кунаклары Лаеш районына юл алачак, анда Державин истәлеге белән бәйле урыннар буйлап кызыклы экскурсияләр уздырылачак.
16 сәгатьтә Лаешның Үзәк мәйданында Г.Р.Державин исемендәге Бөтенроссия премиясен тапшыру булачак.
Татарстан Республикасы Мәдәният министрлыгының Матбугат хезмәте