Чүпрәле районының «Таң» халык җыр һәм бию ансамбле «Родники России» XXII Бөтенроссия фестиваленең йомгаклау концертында катнашты. Фестиваль Чабаксар шәһәрендә узды.
Анда Россия Федерациясенең 32 төбәгеннән - 39, Кытайдан - 2, Италиядән 1 коллектив, Азәрбайҗаннан, Белоруссия һәм Эстониядән иҗат коллективлары катнашты.
Югары башкару осталыгы һәм фестивальдә актив катнашуы өчен «Таң» ансамбле дипломнар белән бүләкләнде.
Татарстан Республикасы Мәдәният министрлыгының Матбугат хезмәте