«Крутушка-2014» фестиваленең музыкаль программасында катнашуга заявкалар кабул итү 4 июльдә тәмамлана
«Крутушка» VI халыкара этник фестивале 22 –24 августта традицион рәвештә Крутушка поселогында «Байтик» балалар савыктыру лагере территориясендә уздырыла. Катнашучылар һәм кунаклар өчен фестиваль барышында этник музыканың төрле юнәлешләре, декоратив-гамәли сәнгать эшләнмәләре җитештерү буенча осталык дәресләре, һөнәрчелек ярминкәләре, төрле арт-проектлар, күргәзмәләр, театраль һәм бию кичәләре, кино һәм анимация фильмнары презентацияләре, танылган музыкантлар, сәнгать әһелләре белән очрашулар кебек кызыклы чараларүткәрелә.
Узган елда фестивальдә биш меңнән артык кеше булып киткән, ә биш еллык тарихы эчендә анда йөздән артык иҗат коллективы – Россиянең төрле төбәкләреннән, шул исәптән чит илләр вәкилләре катнашкан.
Быел «Крутушка» фестивале Татарстан Республикасы Мәдәният министрлыгыннан «2014 – 2020 елларда Татарстан Республикасында дәүләт милли сәясәтен тормышка ашыру» программасы кысаларында дәүләт ярдәме алды.
Татарстан Республикасы Мәдәният министрлыгының Матбугат хезмәте