ТР Мәдәният министрлыгында журналистларга “Ил кызы” җыентыгын тәкъдим итәчәкләр

22 нче гыйнварда сәгать 14.00 дә Татарстан Республикасы Мәдәният министрлыгында композитор һәм җырчы Сара Садыйкованың “Ил кызы” дип аталган яңа җырлар җыентыгын журналистларга тәкъдим итәчәкләр. Аның төзүчесе – Әлфия Айдарская.

Җыентыктагы җырлар арасында инде танылганнары да бар, әмма алар беренче тапкыр китап итеп чыгарыла. Моңарчы бу җырлар магнитафон тасмасына яздырылган килеш сакланган.  

Тәкъдим итүдә катнашалар:

ТР мәдәният министры урынбасары – Гөлшат Нигъмәтуллина;

С.Сәйдәшев исемендәге ДЗКЗ директоры – Мансур Шиһапов;

җыентыкның төзүчесе һәм редакторы – Әлфия Айдарская;

музыка белгече – Клара Таҗиева;

проектның спонсоры – Эльнар Җамалиев.