А. М. Горький исемендәге музейда Алена Мекешкина-Абдуллинаның шәхси күргәзмәсе ачыла
16 нчы гыйнварда сәгать 16.00 тә А.М.Горький исемендәге әдәби-мемориаль музейда яшь рәссам Алена Мекешкина-Абдуллинаның “Параллель дөньялар” дип аталган беренче шәхси күргәзмәсе ачыла. Моңарчы 5 ел дәвамында ул эшләрен Мәскәү рәссамнары һөнәри берлегенең Казан бүлеге күргәзмәләрендә тәкъдим иткән.
Күргәзмә экспрессионизм һәм абстракционизм элементлары белән катнаштырылган фэнтези стилендәге эшләрдән тора.
Экспозициянең беренче бүлегендә – идея һәм төшенчәләр табигать күренешләре, хатын-кыз образы аша сурәтләнгән картиналар. Рәссам фикеренчә, алар хатын-кыз башлангычын чагылдыра. Икенче бүлек – реаль образлардан торган абстракцияләр. Өченче бүлектә – югары акыл символы яки кайбер кешеләрнең икенче асылы булган аҗдаһа сурәтләре.
Күргәзмә 10 нчы февральгә кадәр эшләячәк.