#СВОеТВОРЧЕСТВО программасына гаризалар кабул итү башланды
10 июльдән 16 июльгә кадәр Россия Федерациясе Мәдәният министрлыгы ярдәмендә «Меганом» иҗади индустрияләр академиясендә («Таврида.АРТ» проекты) #СВОеТВОРЧЕСТВО программасы узачак.
Ул махсус хәрби операция вакыйгаларына багышланган арт-объектлар ясау өчен СВОда катнашучыларны, рәссамнарны һәм сынчыларны берләштерәчәк. Программа барышында ветераннарның сөйләгәннәре нигезендә рәссамнар яңа картиналар ясаячак – бу эшләр сугыш кырыннан чын тарихларны сакларга ярдәм итәчәк.
Әзер әсәрләр «Таврида» арт-кластеры үзендә дә, башка мәйданчыкларда тематик чаралар кысаларында да күргәзмәләрдә тәкъдим ителәчәк. Шулай ук программа катнашучыларының эшләре үткән елда әзерләнгән арт-объектларны үз эченә алган «Хәтер турында хикәятләр» экспозициясен тулыландырачак.
Әсәрләр «Патриот» Үзәк паркында «СВО символизмы» күргәзмәсендә тәкъдим ителәчәк. Программаның йомгагы булып сугыш сызыгыннан алынган техника ватыкларыннан эшләнгән масштаблы арт-объект торачак.