Пушкин картасы амбассадорлар эзли
Россия Федерациясе Мәдәният министрлыгы мәдәният турында кызыклы итеп сөйли белүчеләр һәм башкалар белән тәэсиратларын уртаклашырга теләүчеләр өчен проект башлый.
Гаризаны 14 яшьтән 21 яшькә кадәрге мәктәп укучылары һәм студентлары бирә ала. Үзегез генә яки өчтән җиде кешегә кадәр команда составында, үзегезнең мәктәп, югары уку йорты яки көллияттән иптәшләрегез белән катнашыгыз.
Нәрсә эшләргә кирәк:
MAХ мессенджерындагы проектның чат-ботында теркәлегез һәм 11 майга кадәр видео-визиткарта җибәрегез.
Модераторлар тикшергәннән соң, сезне музейлар, театрлар һәм медиа белгечләре катнашындагы онлайн-акселераторга кертәчәкләр. Анда мәдәният турында кызыклы һәм тере контент ничек ясарга икәнен өйрәтәчәкләр.
Чараларга барыгыз һәм «ВКонтакте» битегездәге тәэсиратларыгыз белән уртаклашыгыз. Ким дигәндә өч пост ясагыз (фикерләр һәм фотосурәтләр белән) һәм аларның сылтамаларын проектның чат-ботына җибәрегез.
15 сентябрьдә жюри әгъзалары Пушкин картасының амбассадорларын сайлаячак. Җиңүчеләр продвижениедә ярдәм алачаклар һәм бөтен ил буйлап мәдәни мәйданчыкларга бер ел дәвамында йөри алу мөмкинлегенә ия булачаклар.
Конкурс «Гаилә» милли проекты ярдәмендә уза. Шулай ук бу проект буенча 14 яшьтән 22 яшькә кадәрге яшьләр Пушкин картасын ала ала. Ел саен аңа театрлар, музейлар, концертлар һәм күргәзмәләр өчен 5000 сум салына – шуның 2000 сумына кадәр кино билетларына тотырга була.