«КИТАПХАНӘ ТӨНЕ» Татарстан Республикасы Милли китапханәсендә – халыклар бердәмлеге һәм дуслыгы билгесе астында
18 апрельдә Татарстан Республикасы Милли китапханәсе «Китапханә төне» исемле ел саен уздырыла торган бөтенроссия акциясенә кушыла. Илебездә ул инде 15-нче тапкыр узачак. ТР Милли китапханәсенең бу көнгә төзелгән чаралар программасында – гадәти булмаган экскурсияләр, китап күргәзмәләре, балалар өчен воркшоп, үсмерләр өчен квиз, коллаж остаханәсе, телевидение алып баручысы, театр һәм кино актеры Андрей Ургант белән иҗади очрашу, чит ил студентлары белән ФРЕНДЛИ-БЛИЦ, аудиокитаплар төзү остаханәсе, стендап-комедия жанрындагы китап шоу һәм башкалар.
18 апрель көне буе (сәгать 9.00 дән 21.00 гә кадәр), Милли китапханәнең өч урынында тематик китап күргәзмәләре эшләячәк:
• «Татарстан – Россия халыклары бердәмлеге үзәге» (Классик зал)
• «Бергә юл: Россия халыклары китаплары» (Универсаль зал)
• «Бердәмлек ритмында. Россия халыклары биюләре» (Классик зал)