Казанда VII Халыкара орган фестивале узачак

2026 елның 11 марты, чәршәмбе

2026 елның 11–21 мартында Казанда VII Халыкара орган фестивале узачак. Татарстан Республикасы Дәүләт академик симфония оркестры чакыруы буенча С. Сәйдәшев исемендәге Дәүләт зур концерт залында төрле илләрдән – Россия, Испания, Нидерланд, Япониядән – билгеле органчылар һәм дирижерлар чыгыш ясаячак.

Фестиваль 11 мартта «Гармонияләр тибрәнеше» программасы белән ачылачак, анда органчылар Хироко Иноуэ (Япония), Жан-Пьер Стайверс (орган, Нидерланд) катнашачак, ә ТР ДАСО пульты артына Илья Гайсин басачак. Бу аның Казанда дирижерлык дебюты. XX гасырның беренче өчтән берлегендәге француз һәм американ композиторлары әсәрләре, Равель, Пуленк, Гершвин, Копленд әсәрләре яңгыраячак, алар Парижда очрашканнар һәм бер-берсенә йогынты ясаганнар.