Муса Җәлилнең 120 еллыгына багышланган тантаналы чаралар
2026 елның 15 февралендә татар шагыйре, Советлар Союзы Герое, Ленин премиясе лауреаты, исеме батырлык, Ватанга тугрылык һәм шигъри сүз көче символына әверелгән Муса Мостафа улы Җәлилнең тууына 120 ел тула. Казанда юбилей уңаеннан тантаналы чаралар узачак.
15 февральдә, герой шагыйрьнең туган көнендә, программа 1 Май мәйданында Муса Җәлил һәйкәленә чәчәкләр куюдан 11:00 сәгатьтә башлана.
Сәламләү сүзе белән шагыйрьнең кызы Чулпан Муса кызы Җәлилова, шулай ук мәдәният һәм сәнгать эшлеклеләре чыгыш ясаячак.
13: 00 сәгатьтә Татаркиноның «Батырлык гасырларда кала»документаль фильмы күрсәтеләчәк. Картина хәтта фашист төрмәләрендә дә дошманга каршы көрәшне туктатмаган сугышчы, шагыйрь һәм подпольщикның драматик язмышын ача.
25-26 февральдә ТР Мәдәният министрлыгы ярдәмендә «Җәлил укулары» Бөтенроссия фәнни конференциясе узачак, ул КФУның ИФиМК базасында Татарстан Республикасы Милли музее тарафыннан үткәрелә.
Конференциядә катнашучылар өчен яшь волонтерлар шагыйрьнең музей-фатирында (Горький ур., 17) экскурсия үткәрәчәк. Бу Җәлилне балалар күзе белән күрергә мөмкинлек бирәчәк.