ТР Милли музее Фән көненә программа әзерләгән
ТР Милли музее «Фән көне: дөньяны аңлау ачкычлары» программасын әзерләгән.
Программа, 2026 елның 6 феврале
12:00 – 13:00 «Яңа дөньялар ачабыз» мәгариф программасы, 6+
Бу интерактив программа сезнең өчен үткәннең серләрен ачачак һәм фәннәрнең реаль тарихи вакыйгаларда, фәнни ачышларда һәм мәдәни хәзинәләрдә ничек терелеп килүен күрсәтәчәк.
13:00 – 14:00 «Россиядә икенче урында: Император Казан университеты һәм аның Россия фәнен үстерүгә керткән өлеше» тематик экскурсиясе, 12+
Казан университеты – Россиядә иң борынгылардан, яше буенча бары тик Мәскәү университетына гына калыша. 220 еллык яшәү дәверендә Казан университеты тарихында бихисап истәлекле вакыйгалар, гаҗәеп ачышлар, шулай ук чын трагедияләр дә булды. Тематик экскурсиядә кунаклар игътибарына «классика» – университетның инкыйлабка кадәрге тарихы (1804–1917) белән танышырга тәкъдим ителәчәк. Музей экспонатлары тарихы аша музей кунаклары университетның үзе тарихы турында гына түгел, ә аның күренекле галимнәре һәм студентлары турында да белерләр, заманча университет белем бирүенең инкыйлабка кадәргесеннән аермасын аңларлар. Ә иң мөһиме – Император Казан университеты Ватан язмышында нинди урын калдырганын белерләр.
Үткәрү урыны: ТР Милли музее – Кремль урамы, 2.