«Снежность» балалар хәйрия театр фестивале Әлмәттә Ганс Христиан Андерсенның 220 еллыгы билгесе астында узачак
12-14 декабрьдә Әлмәттә «Снежность» балалар хәйрия театр фестивале узачак. Фестиваль социаль инвестор Андрей Комаров инициативасы белән үткәрелә. Фестивальнең максаты-беренче чиратта социаль яктан якланмаган балаларны сәнгать дөньясына җәлеп итү, үсеп килүче буында рухи-әхлакый кыйммәтләр формалашуга ярдәм итү.
Быел фестиваль Ганс Христиан Андерсенның 220 еллыгына багышланган һәм «Андерсен. Наз белән» исемен алган.
Элеккечә үк, спектакльләр алдыннан әйдәп баручы балалар нәшриятлары китаплары уйнатылачак, ә тамашачыларга театр бәйрәме атмосферасын тоярга волонтерлар ярдәм итәчәк, аларның күбесе фестивальнең чын гаиләсенә әверелде һәм проектны елдан-ел хуплый.
Әлмәттән тыш фестиваль Ижевск, Екатеринбург, Озерск, Первоуральск, Чиләбе, Бөек Новгород, Петропавловск-Камчатка һәм Мәскәүдә дә узачак.