Алабугада «Ананьин дөньясы: Төньяк Евразиянең бронза һәм иртә тимер гасырлары археологиясе» Бөтенроссия конференциясе узачак
2025 елның 11-14 ноябрендә Алабугада күренекле Совет археологы һәм көнчыгышны өйрәнүче Алексей Викторович Шмидтның тууына 130 ел тулу уңаеннан «Ананьин дөньясы: Төньяк Евразиянең бронза һәм иртә тимер гасырлары археологиясе» Бөтенроссия конференциясе узачак.
Конференция программасы, көтелгән нәтиҗәләр турында Татарстан мәдәният министры Ирада Әюпова, ТР Фәннәр академиясе президенты Рифкать Миңнеханов, Альфред Халиков, Айрат Ситдыйков сөйләячәк.
"Ананьино мәдәнияте-безнең тарихи-мәдәни мирасыбызның мөһим бите. Бүген Татарстан Республикасында бу мәдәният һәйкәлләрен саклау һәм популярлаштыру буенча зур эш алып барыла», - дип ассызыклады Ирада Әюпова.
Шунысын да билгеләп үтәргә кирәк, Алабуга дәүләт тарихи-архитектура һәм сәнгать музей-тыюлыгы комплексы составына Б. э. к. I меңьеллыкның археологик һәйкәле – Ананьино каберлеге керә.
Казу эшләре вакытында табылган мең ярымнан артык артефакт хәзер Татарстан, Россия һәм чит ил музейларында саклана, ерак бабаларыбыз мәдәниятенең байлыгын ачык күрсәтә.