СССРның халык артисты Василий Иванович Качаловның 150 еллыгына Казанда күргәзмә ачылачак

2025 елның 1 ноябре, шимбә

3 ноябрьдә 18: 00 сәгатьтә А.М. Горький һәм Ф. И. Шаляпин музеенда «Сәнгать төне» Бөтенроссия акциясе кысаларында һәм СССРның халык артисты Василий Иванович Качаловның 150 еллыгын бәйрәм итү уңаеннан бөек рус артистына багышланган күргәзмә ачылачак.

«Качалов.150» - Татарстан Республикасы Милли музее һәм В.И. Качалов исемендәге Казан академия рус Зур драма театрының уртак проекты. Экспозициядә В.и. Качаловның шәхси әйберләре, сирәк фотосурәтләр, хатлар, көрәштәшләренең һәм хезмәттәшләренең истәлекләре тәкъдим ителгән.