4 нче номерлы балалар сәнгать мәктәбе укучылары Сергей Говорухин әсәрләре буенча күргәзмә тәкъдим итәләр
25-30 октябрь көннәрендә «Юность» Мәдәният сараенда Казан шәһәренең атаклы якташы, Россия һәм халыкара кинопремияләр лауреаты Сергей Говорухин әсәрләре буенча «4 нче балалар сәнгать мәктәбе» МБУ укучылары эшләренең күргәзмәсе узачак.
Очрашулар һәм истәлекләр кичәләрен «Послесловие» инициатив төркеме оештыра www.posleslovie.com Сергей Станиславович говорухинның (тормыш еллары 1 сентябрь 1961 - 27 октябрь 2011) иҗади мирасын мәңгеләштерү һәм популярлаштыру өчен оештырылган. «ПОСЛЕСЛОВИЕ» инициатив төркеме үткәрә торган чараларның төп бурычлары – кешеләрдә, барыннан да элек, үсеп килүче буында бурыч, кайгыру, җаваплылык һәм кече Ватанга хөрмәт хисе тәрбияләү, шулай ук чит илләрдә танылган якташларыбызның тормышы һәм эшчәнлеге турындагы хәтерне саклау эшен активлаштыру.
С.Говорухин – Казанның атаклы якташы, ул хәрби корреспондент сыйфатында кайнар нокталардагы сугыш хәрәкәтләрендә катнашкан. Батырлык ордены һәм башка сугышчан бүләкләр белән бүләкләнә. С.Говорухин-Россия һәм халыкара кинопремияләр лауреаты, язучы буларак, берничә проза һәм шигырьләр җыентыгы чыгарды.
Чара Ватанны саклаучылар елы һәм 1941-1945 еллардагы Бөек Ватан сугышында Җиңүнең 80 еллыгын бәйрәм итү кысаларында Татарстан Республикасы Мәдәният министрлыгы ярдәмендә уза һәм «гаилә» милли проектының «гаилә кыйммәтләре һәм мәдәният инфраструктурасы»федераль проектының максатларына һәм бурычларына туры килә.