Казан Кремлендә «Ушковлар империясе» күргәзмәсе ачылды
Казан Кремленең күргәзмә залларында Менделеевск химия заводына нигез салучы Петр Ушковка багышланган күргәзмә ачылды.
Экспозиция танылган сәнәгатьченең тууына 185 ел тулуга багышланган. Беренче производство хәзерге Менделеевск районында, ул вакытта Бондюг эшчеләр бистәсендә, Капитон Ушков ярдәме белән барлыкка килде. Ләкин нәкъ менә Петр Капитонович Ушков Менделеевск производствосының химия сәнәгатен халыкара дәрәҗәгә чыгарды.
Моннан тыш, Ушковлар социаль инфраструктура объектларын төзегән, хастаханәләр, эшчеләр бистәсендә яшәүчеләр өчен уку йортлары төзегән танылган меценатлар булган.
Уникаль экспозиция Петр Капитонович тормышының ретроспективасы буларак төзелде. Нигезгә интерактив форматта тәкъдим ителгән Сәнәгатьче хатлары салынды.
Күргәзмәдә 12 чын хат тәкъдим ителгән, ә расшифровкалар пыяла инсталляцияләрдә урнаштырылган. Моннан тыш, күргәзмә өчен махсус ул чорның сирәк экспонатлары һәм көнкүреш әйберләре, Ушковларның шәхси әйберләре сатып алынган. Картотекалар, телеграф, телефон, китаплар. Алар ярдәмендә килүчеләр «XIX гасыр офисы»на чума алачак.
Татарстан Республикасы Мәдәният министрлыгының рәсми социаль челтәрләренә язылыгыз:
ВКонтактеда: https://vk.com/mincultrt
Телеграм: https://t.me/mincult_rt