Арчада «Безнең йорт-Татарстан» фестиваленең сайлап алу туры узды
Арча районы мәдәният йортында «Безнең йорт – Татарстан» республика этномәдәни фестиваленең икенче зона этабы узды. Чараны ТР Мәдәният министрлыгы, Ассамблея һәм Татарстан Халыклары дуслыгы йорты оештыра.
Проект «Гаилә» милли проектының «гаилә кыйммәтләре һәм мәдәният инфраструктурасы»федераль проектының максатларына һәм бурычларына туры килә.
Республиканың алты районыннан: Арча, Әтнә, Балтач, Кукмара, Саба һәм Теләче районнарыннан 500дән артык катнашучы Татарстанда яшәүче төрле халыкларның мәдәниятен чагылдырган номерлар күрсәттеләр.
Барлык коллективлар һәм катнашучылар фестивальдә катнашучылар дипломнары белән бүләкләнделәр. Чыгышлар нәтиҗәләре буенча сайлап алу зона турларының иң яхшы коллективлары фестивальнең гала-концертында чыгыш ясаячак, ул Казанда 4 ноябрьдә узачак.
Фестиваль ел саен Татарстан Республикасы территориясендә яшәүче халыкларның бердәмлеген һәм рухи баетуын ныгыту, Татарстан Республикасының күпмилләтле мәдәниятен саклап калу, үстерү һәм популярлаштыру максатында үткәрелә.
Фестивальнең киләсе зона туры 8 октябрьдә Сарманда узачак.